Sai Pallavi Habit : నేచురల్ బ్యూటీగా తెలుగువారికి పరిచయమైంది నటి సాయిపల్లవి. అమాయక చిరునవ్వుతో కట్టిపడేసే సాయి పల్లవికి ఫ్యాన్ బేస్ మాములుగా లేదు. అయితే ఈ మధ్యకాంలో సాయి పల్లవి.. సినిమాల విషయంలో ఆచితూచి అడుగులు వేస్తోంది. పాత్రల ఎంపికలో చాలా జాగ్రత్తలు తీసుకుంటోంది. దీనికి ఆమె స్పష్టమైన కారణాన్ని ఎక్కడా వెల్లడించలేదు. డాక్టర్ కావాలని కలలు కన్న సాయి పల్లవి.. సినీ పరిశ్రమకు దూరంగా వెళ్లి డాక్టర్ వృత్తిని చేపట్టబోతోందని కూడా వార్తలు వినిపించాయి. వీటిపై కూడా ఆమె స్పందించలేదు.
Sai Pallavi Latest Interview : దక్షిణాదితోపాటు ఇతర భాషల్లోనూ విపరీతమైన ఫ్యాన్ ఫాలోయింగ్ ఉన్న సాయి పల్లవి తన వ్యక్తిగత జీవితంలో కూడా భిన్నంగా ఉంటుంది. అయితే ఇటీవల ఆమెకు చెందిన ఓ వీడియో వైరల్ అయింది. ఓ సినిమా షూటింగ్లో సాయి పల్లవి గర్భంతో ఉన్న సీన్ తీస్తున్నారు. ఆ వీడియో వైరల్ అయింది. దీంతో ఆమె ఫ్యాన్స్ ఆందోళన చెందారు. కానీ అది సినిమాలోని సీన్ అని తెలిసి.. సైలెంట్ అయ్యారు. అయితే సాయి పల్లవి ఇటీవలే.. ఓ ఇంట్రస్టింగ్ విషయాన్ని పంచుకుంది.
'విభూతి తినడం చాలా ఇష్టం'
Sai Pallavi Variety Habit :ఓ తమిళ యూట్యూబ్ ఛానెల్‌కు ఇచ్చిన ఇంటర్వ్యూలో తనకు విభూతి తినడం అలవాటు అని చెప్పింది. తనకు విభూతి అంటే చాలా ఇష్టమని, ఎప్పుడూ తన బ్యాగ్‌లో పెట్టుకుంటానని తెలిపింది. తాను తినే విభూతి మాములుది కాదని, ప్రత్యేకమైన చెక్కతో తయారు చేసిందని చెప్పింది. అది చాలా రుచిగా ఉంటుందని వెల్లడించింది.