సాయిధరమ్ తేజ్ నటించిన 'తిక్క'తో తెలుగు తెరకు పరిచయమైన బ్రెజిల్ భామ లారిస్సా బొనేసి. ఈ సినిమా షూటింగ్‌ సమయంలోనే వీరిద్దరి మధ్య స్నేహం ఏర్పడింది. ఇదే విషయాన్ని సాయి పలు ఇంటర్వ్యూల్లోనూ తెలిపారు. ఇదిలా ఉండగా.. సాయి తేజ్ పుట్టినరోజున లారిస్సా పెట్టిన ట్వీట్‌.. దానికి అతడు ఇచ్చిన రిప్లై ఇప్పుడు నెట్టింట్లో వైరల్గా మారాయి.
శనివారం సాయి తేజ్ 36వ పుట్టినరోజు సందర్భంగా.. బొనేసి ట్విటర్‌ వేదికగా "హ్యాపీ బర్త్డే మై తేజు" అంటూ లవ్ సింబల్‌ని జత చేసింది. దీనికి "నన్ను ఎప్పుడూ డిస్ట్రబ్‌ చేసే వ్యక్తి" అంటూ సాయి ఆమెకు థ్యాంక్స్‌ చెబుతూ లవ్ ఎమోజీలు పెట్టాడు. ఆమెతో దిగిన ఓ ఫొటో షేర్‌ చేశాడు. ఈ ట్వీట్లు చూసిన నెటిజన్లు.. మీరు 'ప్రేమలో ఉన్నారా?' అని అడుగుతున్నారు. 'తిక్క' తర్వాత లారిస్సా తెలుగు తెరపై ఎక్కువగా కనిపించలేదు. సందీప్‌ కిషన్‌ నటించిన 'నెక్ట్స్‌ ఏంటి'లో ఆమె చిన్న పాత్ర పోషించారు.