తమిళ స్టార్ హీరో ధనుశ్పై ప్రశంసలు కురిపించారు హాలీవుడ్ దర్శక ద్వయం రస్సో బ్రదర్స్‌. ఆయనకు వీరాభిమానులని అన్నారు. ధనుశ్ నటించిన తాజా హాలీవుడ్ చిత్రం 'ది గ్రే మ్యాన్'కు వీరే దర్శకత్వం వహించారు. ఈ సినిమా నెట్ఫ్లిక్స్లో జులై 22 నుంచి స్ట్రీమింగ్ కానుంది. ఈ సందర్భంగా మే 14న ట్రైలర్ను విడుదల చేశారు మేకర్స్. ఇందులో ధనుశ్ స్టైలిష్ లుక్ అదిరిపోయింది. కాగా, విడుదల తేదీ దగ్గర పడుతుండడం వల్ల ప్రత్యేక ఇంటర్వ్యూ ఇచ్చిన ఈ దర్శక ద్వయం.. ధనుశ్ను ప్రశంసించారు. ఈ చిత్రాన్ని సినీప్రియులు ఆదరిస్తే 'ది గ్రే మ్యాన్' సీక్వెల్ కూడా తెరకెక్కిస్తామని, అందులోనూ ధనుశ్ ఉంటారని చెప్పారు.
ధనుశ్కు వీరాభిమాని అంటున్న హాలీవుడ్ డైరెక్టర్స్.. మరో మూవీలోనూ ఛాన్స్! - ధనుశ్పై హాలీవుడ్ దర్శకులు ప్రశంసలు
Dhanush Hollywood movie: ధనుశ్పై హాలీవుడ్ దర్శక ద్వయం రస్సో బ్రదర్స్‌ ప్రశంసలు కురిపించారు. తమ సినిమా 'ది గ్రేమ్యాన్'లోని ధనుశ్ పాత్ర గురించి వివరించారు. ఈ చిత్రం సూపర్హిట్ అయితే సీక్వెల్ను రూపొందించి, అందులోనూ ఆయన పాత్రను కొనసాగిస్తామని చెప్పారు.
ధనుశ్ హాలీవుడ్ చిత్రం
"దర్శకుడు ఆంథోని, నేను ధనుశ్కు పెద్ద అభిమానులం. ఈ చిత్రంలో పాత్రను కేవలం ఆయన కోసమే రాశాం. ఈ రోల్ స్పెషల్గా ఉంటుంది. హీరోతో పోరాడే పాత్రలో ఆయన కనిపిస్తారు. అటు ఆధ్యాత్మికంగానూ కనిపిస్తారు. ఇది సినిమాను మరింత పవర్ఫుల్గా చూపిస్తుంది. ధనుశ్పై రెండు బడా యాక్షన్ ఫైట్స్ను చిత్రీకరించాం. మొత్తంగా ఈ మూవీ సినీప్రియులకు నచ్చితే సీక్వెల్ను రూపొందిస్తాం. ధనుశ్ పాత్రను కంటిన్యూ చేస్తాం" అని జో రస్సో అన్నారు.
ఇదీ చూడండి:లైఫ్లో కాంప్రమైజ్ అవ్వన్నంటున్న చైతూ.. 'డెడ్' అంటూ సామ్ పోస్ట్