డబ్బులు చెల్లించనక్కర్లేదు.. ఓటీటీలో ఫ్రీగానే ఆర్​ఆర్ఆర్

'ఆర్ఆర్ఆర్' సినిమా ఈ నెల 20 నుంచి ఓటీటీలో స్ట్రీమింగ్​ కానుంది. ఈ నేపథ్యంలో ఓటీటీ సంస్థ జీ5 కీలక ప్రకటన చేసింది. 'పే ఫర్ వ్యూ' పద్ధతి లేకుండా.. జీ5 సబ్​స్క్రైబర్లు ఉచితంగానే సినిమా చూడవచ్చని ప్రకటించింది.

దర్శకధీరుడు రాజమౌళి దర్శకత్వంలో ఎన్టీఆర్, రామ్ చరణ్‌ నటించిన 'ఆర్ఆర్ఆర్' సినిమా ఓటీటీలో రిలీజ్​ కానున్న నేపథ్యంలో కీలక అప్డేట్​ వచ్చింది. ఈ సినిమా జీ5లో ఈనెల 20 నుంచి స్ట్రీమింగ్​ కానుంది. తొలుత పే ఫర్ వ్యూ పద్ధతిలో సినిమాను విడుదల చేయాలని భావించారు. అయితే.. ప్రేక్షకులతో పాటు.. జీ5 సబ్​స్క్రైబర్ల నుంచి తీవ్రమైన ఒత్తిడి రావడం వల్ల జీ5లో వెనక్కి తగ్గింది. 'పే ఫర్ వ్యూ' పద్ధతి లేకుండా.. జీ5 సబ్​స్క్రైబర్లు ఉచితంగానే సినిమా చూడవచ్చని ప్రకటించింది. అయితే సబ్​స్క్రిప్షన్​ లేనివాళ్లు కచ్చితంగా ప్రీమియం చెల్లించి చూడాల్సి ఉంటుందని వెల్లడించింది.

తొలుత అదనపు ప్రీమియం రూ. 100 చెల్లించి సినిమాను చూడాల్సి ఉంటుందని జీ5 చెప్పింది. ఈ క్రమంలో ప్రజల నుంచి.. ప్రధానంగా సబ్​స్క్రైబర్ల నుంచి విమర్శలు వెల్లువెత్తాయి. సినిమాకు విడుదలకు ముందు ఆయా ప్రభుత్వాలతో ఒప్పందాలు చేసుకుని టికెట్ల రెట్లు పెంచుకొని.. ఇప్పుడు ఓటీటీలో కూడా డబ్బులు చెల్లించమనడం ఎంతవరకు సమంజసమని ప్రేక్షకులు మండిపడ్డారు. ఈ క్రమంలో జీ5కి అనేక వినతులు వచ్చినట్లు సమాచారం. దీంతో నిర్వాహకులపై తీవ్రమైన ఒత్తి రావడం వల్ల తమ నిర్ణయాన్ని వెనక్కి తీసుకున్నారు.

ఇదీ చదవండి:వాహ్​ తమన్నా: ఈ గ్లామర్​ బండి.. స్వర్గం నుంచి వచ్చినట్టుంది!