RRR Movie Dosti: రాజమౌళి దర్శకత్వంలో ఎన్టీఆర్, రామ్చరణ్ ప్రధాన పాత్రల్లో తెరకెక్కిన ప్రతిష్ఠాత్మక సినిమా 'ఆర్ఆర్ఆర్'. మార్చి 25న విడుదలైన ఈ చిత్రం ఎన్నో రికార్డులు సృష్టించింది. వసూళ్ల ప్రభావం ఇంకా కొనసాగుతూనే ఉంది. కీరవాణి స్వరపరిచిన బాణీలు ప్రేక్షకులను విపరీతంగా ఆకట్టుకున్నాయి. ఈ సినిమాలోని రామ్ చరణ్- తారక్ మధ్య సాగే దోస్తీ పాటకు ఫిదా అయ్యారు అభిమానులు. రామ్చరణ్, ఎన్టీఆర్ ఒకే ఫ్రేమ్‌లో కనిపించిన తీరు అందరినీ ఆకర్షించేలా ఉంది. విభిన్న ధృవాల మధ్య స్నేహం గురించి వివరించే ఈ పాటను సిరివెన్నెల సీతారామశాస్త్రి రచించగా కాలభైరవ ఆలపించారు. ఎం.ఎం.కీరవాణి స్వరాలందించారు. తాజాగా ఈ పాట పూర్తి వీడియో సాంగ్ను విడుదల చేసింది చిత్రబృందం. వీడియో సాంగ్ లక్షల్లో వ్యూస్తో దూసుకెళ్తోంది. ఇదివరకే ఈ సినిమా నుంచి ఎత్తర జెండా, కొమ్మ ఉయ్యాల పూర్తి వీడియో సాంగ్స్ను మేకర్స్ విడుదల చేశారు.
RRR collections:రాజమౌళి దర్శకత్వం వహించిన ఈ పాన్‌ ఇండియా సినిమాలోని ఎన్టీఆర్, చరణ్ నటన యావత్‌ సినీ అభిమానుల్ని కట్టిపడేసింది. అల్లూరి సీతారామరాజు (నిప్పు) పాత్రలో రామ్చరణ్, కొమురం భీమ్‌ (నీరు)గా తారక్ నట విశ్వరూపం చూపారు. ఆలియాభట్‌, ఒలీవియా మోరిస్‌, శ్రియ, అజయ్‌ దేవ్‌గణ్‌, సముద్రఖని తదితరులు కీలక పాత్రల్లో నటించి మెప్పించారు. డీవీవీ దానయ్య నిర్మించిన ఈ సినిమా ఇటీవల రూ.1000 కోట్లు వసూలు చేసిన సినిమాల జాబితాలో చేరింది.