ramarao on duty song: 'నా పేరు సీసా.. నా పేరు సీసా.. ఒకరికి నే తేనే సీసా.. ఒకరి నే కల్లు సీసా' అంటూ తనదైన వాయిస్‌తో పాట పాడి అదరగొట్టారు శ్రేయా ఘోషల్‌. రవితేజ కథానాయకుడిగా శరత్‌ మండవ తెరకెక్కించిన చిత్రం 'రామారావు ఆన్‌ డ్యూటీ'. దివ్యాంశ కౌశిక్‌, రజిషా విజయన్‌ కథానాయికలు. శనివారం ఈ చిత్రంలోని ఐటమ్‌ సాంగ్‌ 'నా పేరు సీసా' లిరికల్‌ సాంగ్‌ను విడుదల చేశారు. శ్యామ్‌ సీఎస్‌ స్వరాలు సమకూర్చగా, చంద్రబోస్‌ సాహిత్యం అందించారు. శ్రేయా ఘోషల్‌ ఆలపించారు. ఇక ఈ ఐటమ్‌ సాంగ్‌కు శేఖర్‌ మాస్టర్‌ కొరియోగ్రఫీ అందించగా, అన్వేషి జైన్‌ స్టెప్‌లు ప్రత్యేక ఆకర్షణగా నిలవనున్నాయి. ప్రస్తుతం ఈ పాట యూట్యూబ్‌లో ట్రెండింగ్‌లో ఉంది. 'రామారావు ఆన్‌ డ్యూటీ' జులై 29న ప్రేక్షకుల ముందుకు రానుంది. యదార్థ సంఘటనల ఆధారంగా తెరకెక్కిన యాక్షన్‌ థ్రిల్లర్‌ ఇది. ఇందులో రవితేజ శక్తిమంతమైన ప్రభుత్వ అధికారి పాత్రలో కనిపించనున్నారు.
ponniyin selvan motion poster: మణిరత్నం దర్శకత్వంలో తెరకెక్కుతున్న భారీ బడ్జెట్ చిత్రం 'పొన్నియిన్‌ సెల్వన్‌'. శనివారం ఈ సినిమా మోషన్‌ పోస్టర్ను విడుదల చేశారు. ఈ సందర్భంగా 'చోళులు వస్తున్నారు' అంటూ అందులో రాసుకొచ్చారు. లైకా ప్రొడ‌క్ష‌న్స్ సంస్థ‌తో కలిసి మ‌ద్రాస్ టాకీస్ బ్యాన‌ర్‌పై మణిరత్నం ఈ సినిమాను నిర్మిస్తున్నారు. రెండు భాగాలుగా ఈ సినిమా తెరకెక్కనుండగా.. ఫస్ట్‌ పార్ట్‌ సెప్టెంబర్‌ 30న విడుదల కానుంది. తమిళంతో పాటు తెలుగు, కన్నడ, మలయాళం, హిందీ భాషల్లో ఈ సినిమా రిలీజ్‌ కానుంది. ఈ సినిమాలో విక్రమ్‌, కార్తీ, జయం రవి, ఐశ్వర్యరాయ్‌, త్రిష, బాబీ సింహా కీలక పాత్రల్లో నటిస్తున్నారు.