Ravi Teja Injured: ప్రముఖ నటుడు, మాస్ మహారాజా రవితేజ తన సినిమా చిత్రీకరణలో గాయాల పాలయ్యారు. మోకాలికి దెబ్బతగడం వల్ల సుమారు 10 కుట్లు పడ్డాయని తెలిసింది. 'టైగర్ నాగేశ్వరరావు' సినిమా షూటింగ్లో కొన్ని రోజుల క్రితం ఈ ఘటన చోటుచేసుకోగా తాజాగా వెలుగులోకి వచ్చింది.
ఓ యాక్షన్ సన్నివేశాన్ని చిత్రీకరిస్తున్న సమయంలో రవితేజ పట్టుకున్న తాడు జారిపోవడం వల్ల ఈ ప్రమాదం చోటుచేసుకున్నట్టు సమాచారం. పూర్తిగా విశ్రాంతి తీసుకోకుండానే రవితేజ గురువారం ఈ సినిమా షూటింగ్లో పాల్గొన్నారట. తనవల్ల ఇతర నటులు, సాంకేతిక నిపుణుల డేట్స్‌లో మార్పు రాకూడదని, నిర్మాత ఇబ్బంది పడకూడదనే ఉద్దేశంతోనే ఆయన ఇలా చేశారని సినీ వర్గాల్లో వినిపిస్తోంది.