Rashmika: తనను చూడటానికి వచ్చిన అభిమానుల పట్ల రష్మిక వ్యవహరించిన తీరు అభిమానుల మనసు దోచుకుంది. ఫొటో దిగేందుకు వస్తోన్న ఓ ఫ్యాన్ను బౌన్సర్‌ అడ్డుకోవడంతో వదలమని చెబుతున్న వీడియో ప్రస్తుతం వైరల్‌గా మారింది.
తాజాగా ఓ చిత్ర షూటింగ్‌లో పాల్గొన్న రష్మికను చూడటానికి ఆమె అభిమానులు స్టూడియోకు వచ్చారు. చిత్రీకరణ పూర్తయిన తర్వాత వ్యానులోకి వెళ్తుండగా గేటు వద్దకు వచ్చి నిలబడ్డారు. అదే సమయంలో ఓ అభిమాని ఫొటో దిగేందుకు రష్మిక వద్దకు వచ్చే ప్రయత్నం చేయగా, అక్కడే ఉన్న బౌన్సర్లు అడ్డుకున్నాడు. దీంతో వెంటనే స్పందించిన రష్మిక.. అతడిని వదలమని ఆదేశించారు. ఈ ఫొటోలన్నీ తీసుకుని ఏం చేస్తారు? అని అభిమానిని అడిగింది. ప్రస్తుతం ఈ వీడియో వైరల్‌ అవుతోంది.