Rashmika Mandanna New Movie : నేషనల్ క్రష్ రష్మిక మందన్న ప్రస్తుతం వరుస సినిమాలతో బిజీగా ఉంది. ఇటీవలే బాలీవుడ్లోకి ఎంట్రీ ఇచ్చి వరుస సినిమాలతో బిజీగా ఉన్న ఈ చిన్నది..తాజాగా తెలుగులో మరో సినిమాకు సైన్ చేసింది. ప్రముఖ నిర్మాణ సంస్థ గీతా ఆర్ట్స్ ప్రొడక్షన్ నెం.51గా తెరకెక్కిస్తున్న 'ద గర్ల్ఫ్రెండ్' అనే చిత్రంలో ఆమె లీడ్ రోల్లో నటించనుంది. నటుడు కమ్ దర్శకుడు రాహుల్ రవీంద్ర ఈ సినిమాకు దర్శకత్వం వహిస్తున్నారు. 'ఖుషి' ఫేమ్ హేషమ్ అబ్దుల్ వహమ్ ఈ మూవీకి సంగీతాన్ని అందిస్తున్నారు.
The Girlfriend Movie Glimpse : గ్లింప్స్లో రష్మిక ఓ కొత్త లుక్లో కనిపించింది. ఓ వ్యక్తి చెప్పే డైలాగ్తో మొదలయ్యే గ్లింప్స్ మూవీ లవర్స్లో ఉత్కంఠ రేపుతోంది. ప్రాణం కంటే ఎక్కువగా తనను ప్రేమిస్తుందనుకునే ఓ కుర్రాడు.. అతడ్ని ప్రేమించడానికి సర్వం కోల్పోయానుకుంటూ లోలోపల భరించలేని బాధను అనుభవించే ఓ అమ్మాయి. వీరిద్దరి ప్రేమ గాధ ఏలా ఉంటుందన్న కాన్సెప్ట్‌తో ఈ సినిమా రూపొందుతున్నట్లు గ్లింప్స్ చూస్తే అర్థమౌతోంది. మరోవైపు ఇదొక ట్రాజిక్‌ లవ్‌ స్టోరీ అని, ఆ కుర్రాడు కూడా ఓ సైకో షేడ్స్ ఉన్న మనిషి అని గ్లింప్స్ ద్వారా తెలుస్తోంది. మొత్తానికి రష్మిక ఈ సినిమాతో మరో కొత్త జానర్ను టచ్ చేసిందని ఫ్యాన్స్ అంటున్నారు. తన రోల్ ఎలా ఉండనుందో అంటూ ఆసక్తిగా ఎదురుచూస్తున్నారు.