Ranveer Singh: బాలీవుడ్ స్టార్ హీరో రణ్వీర్ సింగ్కు అరుదైన గౌరవం దక్కింది. ఆస్కార్ ఐజాక్, మారియన్ కోటిల్లార్డ్, టిల్డా స్వింటన్ వంటి సినీ దిగ్గజాల సమక్షంలో మొరాకోలోని 'మర్రకేచ్ ఇంటర్నేషనల్ ఫిల్మ్ ఫెస్టివల్'లో ఆయన నటించిన 'బాజీరావ్ మస్తానీ', 'గల్లీ బాయ్', 'పద్మావత్' సినిమాలను ప్రదర్శించనున్నారు.
ఈ ప్రదర్శనకు పాలో సోరెంటినో, జేమ్స్ గ్రే, మారియన్ కోటిల్లార్డ్, సుజానే బీర్, ఆస్కార్ ఐజాక్, వెనెస్సా కిర్బీ, డయాన్ క్రుగర్, జస్టిన్ కుర్జెల్, ఎస్సీ డేవిస్, నాడిన్ లబాకి, లాఏ-లా మరాక్చి, తాహర్ రహీమ్ వంటి ప్రముఖులు హాజరవ్వనున్నారు. 19వ ఎడిషన్‌లోని మరాకెచ్ ఇంటర్నేషనల్ ఫిల్మ్ ఫెస్టివల్లో రణ్‌వీర్‌ను ఎటోయిల్ డి'ఓర్ అవార్డుతో సత్కరించనున్నారు. గతంలో ఈ అవార్డును అమితాబ్ బచ్చన్, షారుక్ ఖాన్, ఆమిర్ ఖాన్ అందుకున్నారు. నవంబర్ 11 నుంచి 13 వరకు మొరాకో నగరంలో జరగనున్న ఈ ఫిల్మ్ ఫెస్టివల్కు రణ్వీర్ సింగ్ హాజరవ్వనున్నారు.