This week release movies review : ప్రతీ వారం థియేటర్లు, ఓటీటీల్లో కొత్త సినిమాలు విడుదలై ఆడియెన్స్ను అలరిస్తుంటాయి. కానీ వాటిలో అన్నీ ఆకట్టుకోలేవు. ఒక్కోసారి అన్నీ ఫెయిల్ అవుతుంటాయి. అలానే ఈ వారం ప్రచార చిత్రాలతో ఆకట్టుకున్న కొన్ని చిత్రాలు.. మంచి అంచనాలతో విడుదలై ఆశించిన స్థాయిలో మెప్పించలేకపోయాయి.
- ప్రేక్షకుల్ని మొదటగా ఆకట్టుకున్న సినిమా హీరో నాగశౌర్య 'రంగబలి'. ప్రమోషన్స్ కూడా బాగా హైప్ పెంచాయి. ముఖ్యంగా కమెడియన్ సత్య స్ఫూప్ ఇంటర్వ్యూ బాగా ట్రెండ్ అయింది. దీంతో 'రంగబలి'పై ఇంట్రెస్ట్ కలిసింది. క‌థా నేప‌థ్యం, నాగశౌర్య నటన, యాక్షన్‌, సత్య కామెడీ.. ఈ చిత్రానికి బలంగా నిలిచాయి. ద్వితీయార్ధం, పాట‌లు, పతాక సన్నివేశాలు ఈ సినిమాకు బ‌ల‌హీన‌త‌లు. మొత్తంగా ఈ చిత్రం మిశ్రమ స్పందనను అందుకుంది.
- ఇక కీరవాణి తనయుడు శ్రీ సింహా నటించిన క్రైమ్‌ కామెడీ థ్రిల్లర్ 'భాగ్ సాలే'. ఇది కూడా ప్రచార చిత్రాలతో ఆక‌ట్టుకుని ఆడియెన్స్ దృష్టిని బాగానే ఆకర్షించింది. కానీ ఇది ఏమాత్రం ఆకట్టుకోలేదని జనాలు అంటున్నారు.
- టాలీవుడ్లో టైం ట్రావెల్ కాన్సెప్ట్తో వచ్చిన '7:11 పీఎం' కూడా.. హాలీవుడ్ రేంజ్లో.. ప్రచార చిత్రాలతో ప్రేక్షకులను బాగా ఆకర్షించింది. ఈ చిత్రం ఏదైనా మ్యాజిక్ చేస్తుందా అని అంతా అనుకున్నారు. మొత్తంగా ఈ చిత్రం ప్రయత్నం బాగానే ఉన్నా.. ఆడియెన్స్కు రీచ్ కాలేకపోయింది.
- ఇక తెలంగాణ నేపథ్యంలో వచ్చిన పీరియాడిక్ డ్రామా 'రుద్రాంగి'. సీనియర్ నటుడు జగపతి బాబు, మమతా మోహన్ దాస్ నటన బాగా మెప్పించింది. 'బాహుబలి'కి డైలాగ్ రైటర్గా పనిచేసిన అజయ్ సామ్రాట్ ఈ చిత్రానికి దర్శకుడు. దీంతో సినిమాపై ఆసక్తి నెలకొంది. కానీ ఈ సినిమా అన్ని వర్గాల ఆడియెన్స్కు కనెక్ట్ కాలేకోపయింది.
- వైవిధ్యమైన చిత్రాల దర్శకుడు నీలకంఠ దర్శకత్వం వహించిన 'సర్కిల్'.. అంతగా ప్రభావం చూపలేకోపోయింది. ఇందులో సాయి రోనక్, అర్షిణ్‌ మెహతా,బాబా భాస్కర్, రిచా పనై తదితరులు కీలక పాత్రల్లో నటించారు. మొత్తంగా ఈ వారం చిత్రాలతో పోలిస్తే.. గతవారం ఎలాంటి బజ్ లేకుండా వచ్చిన శ్రీవిష్ణు 'సామజవరగమన'నే ఇంకా బాక్సాఫీస్ వద్ద సక్సెస్ఫుల్గా రన్ అవుతోంది. మంచి కలెక్షన్లను అందుకుంటోందని తెలుస్తోంది.
ఇదీ చూడండి: