నాలుగు సంవత్సరాల విరామం తర్వాత బాలీవుడ్‌ స్టార్ హీరో రణబీర్‌ కపూర్ ఈ ఏడాది.. షంషేరా, బ్రహ్మస్త్ర సినిమాలతో ప్రేక్షకుల్ని అలరించారు. అయితే అయాన్‌ ముఖర్జీ దర్శకత్వం వహించిన బ్రహ్మస్త్ర సూపర్ హిట్గా నిలవగా.. కరణ్‌ మల్హోత్రా తెరకెక్కించిన షంషేరా చిత్రం బాక్సాఫీఫ్ వద్ద నిరాశపరిచింది. తాజాగా రెడ్‌ సీ ఇంటర్నేషనల్‌ ఫిల్మ్‌ ఫెస్టివల్‌ 2022లో షెంషేరా ఎందుకు అలరించలేకపోయిందో రణబీర్‌ చెప్పారు.
తాను చేసిన అతి కష్టమైన సినిమాల్లో షంషేరా ఒకటని రణ్బీర్ చెప్పారు. "ఈ సినిమా పరాజయం పొందడం వెనక మేము చేసిన పొరపాట్లు కూడా ఉన్నాయి. వాటిలో ఒకటి నా గడ్డం. నేను ఈ సినిమా కోసం కృత్రిమ గడ్డాన్ని పెట్టుకున్నాను. ఎండలో షూటింగ్‌ చేసేటప్పుడు అది సహజంగా కనిపించలేదు. ముఖానికి అతుక్కున్నట్లు కనిపించేది. అందుకే ఈ సినిమా హిట్ అవ్వలేదని అనుకుంటా" అన్నారు.