రజనీకాంత్​కు మరోసారి విలన్​గా రమ్యకృష్ణ!

Rajinikanth Ramyakrishna: సూపర్​స్టార్​ రజనీకాంత్​కు సీనియర్ నటి రమ్యకృష్ణ మరోసారి విలన్​గా నటించనున్నారని జోరుగా ప్రచారం సాగుతోంది. ఇంతకీ ఆ సినిమా వివరాలేంటో తెలుసుకుందాం..

Rajinikanth Ramyakrishna: సూపర్​స్టార్​ రజనీకాంత్​-రమ్యకృష్ణ కాంబినేషన్​ అనగానే ఎవరికైనా గుర్తొచ్చే సినిమా 'నరసింహ'. ఆ చిత్రంలో నీలాంబరిగా రమ్యకృష్ణ కనబరిచిన అభినయం ప్రేక్షకుల్ని ఫిదా చేసింది. ఈ పాత్రను రమ్యకృష్ణ అద్భుతంగా చేశారని రజనీ సైతం పలు సందర్భాల్లో మెచ్చుకున్నారు. అయితే ఇప్పుడీ కాంబో మరోసారి రిపీట్​ కానుందని తెలుస్తోంది.

రజనీ తన తర్వాత సినిమాను నెల్సన్​ దిలీప్​కుమార్​ దర్శకత్వంలో నటిస్తున్నారు. సన్​పిక్చర్స్​ నిర్మిస్తోంది. త్వరలోనే రెగ్యులర్​ షూటింగ్​ ప్రారంభం కాబోతుంది. ప్రస్తుతం స్క్రప్ట్​ వర్క్​కు ఫైనల్​ టచ్​ ఇవ్వడంతో పాటు నటీనటులను ఎంపిక చేసే ప్రక్రియలో నెల్సన్​ ఉన్నారట! ఐశ్వర్యరాయ్​, ప్రియాంక అరుల్​ మోహన్ కీలక పాత్రల్లో.. విలన్​గా రమ్యకృష్ణను తీసుకోవాలని యోచిస్తున్నారని తెలిసింది. ఇప్పటికే రమ్యకృష్ణను కూడా సంప్రదించారట. కథ నచ్చి ఆమె గ్రీన్​సిగ్నల్​ ఇచ్చారని సినీవర్గాల టాక్​. ​త్వరలోనే దీనిపై అధికార ప్రకటన వచ్చే అవకాశముంది. దీంతో రజనీకి విలన్​గా రమ్యకృష్ణ పేరు వినపడగానే అభిమానుల్లో ఈ చిత్రంపై విపరీతంగా అంచనాలు పెరిగిపోయాయి.

ఇదీ చూడండి: పాన్‌ ఇండియా ఒత్తిడిలో ఆ చిత్ర పరిశ్రమలు!