Upasana Golden Temple: మెగా పవర్స్టార్ రామ్ చరణ్ సతీమణి ఉపాసన కొణిదెల.. అమృత్సర్లోని గోల్డెన్ టెంపుల్ను సందర్శించారు. అక్కడ ఆమె భర్త చెర్రీ కోసం ప్రత్యేక పూజలు చేశారు. అందుకు సంబంధించిన వీడియోను సోషల్ మీడియాలో పోస్ట్ చేశారు ఉపాసన. "కృతజ్ఞతా భావంగా మిస్టర్.సీ(చరణ్) అమృత్సర్లోని స్వర్ణ దేవాలయంలో లంగర్(అన్నదానం) సేవను ఏర్పాటు చేశారు. ఆయన RC 15 షూటింగ్లో బిజీగా ఉండడం వల్ల, ఈ సేవలో చెర్రీ తరపున నేను పాల్గొన్నాను" అంటూ ఉపాసన చెప్పుకొచ్చారు.
'ఆర్ఆర్ఆర్' విడుదలకు ముందు కూడా రామ్చరణ్ గోల్డెన్ టెంపుల్ని సందర్శించారు. సినిమా ప్రచారంలో భాగంగా తారక్, రాజమౌళితో కలిసి అక్కడికి వెళ్లారు. ఆ సినిమా ద్వారా సూపర్ సక్సెస్ అందుకున్న చెర్రీ.. శంకర్ దర్శకత్వంలో తన తదుపరి చిత్రంలో నటిస్తున్నారు. ఈ ప్రాజెక్ట్ను ప్రస్తుతం RC 15 అని పిలుస్తున్నారు. ఈ సినిమా షూటింగ్.. పంజాబ్లో సాగుతోంది. ఈ చిత్రంలో రామ్చరణ్ రెండు పాత్రల్లో కనిపిస్తారని సమాచారం. కియారా అద్వానీ ఈ చిత్రంలో కథానాయికగా నటిస్తోంది. మెగా అభిమానులు ఎంతగానో ఎదురుచూస్తున్న ఈ మూవీకి తమన్ సంగీతం, తిరు సినిమాటోగ్రఫీ అందిస్తున్నారు. శ్రీ వెంకటేశ్వర క్రియేషన్స్ పతాకంపై దిల్రాజు, శిరీష్లు నిర్మిస్తున్నారు.