Ramaiya Vastavaiya Song : 'రామయ్యా వస్తావయ్యా' అంటున్న షారుక్.. ఇంతకీ ఈ తెలుగింటి రామయ్య ఎవరయ్యా ?

Ramaiya Vastavaiya Song : బాలీవుడ్​ బాద్​షా షారుక్​ ఖాన్​ నటించిన 'జవాన్'​ సినిమా గురించి తాజాగా ఓ సాంగ్​ రిలీజై నెట్టింట సందడి చేస్తోంది.'రామయ్యా వస్తావయ్యా'.. అంటూ సాగే ఆ సాంగ్​.. విడుదలైన కొద్ది సేపటికే ట్రెండ్​ అవుతోంది. అయితే ఈ సాంగ్​లోని క్యాచీ లైన్​ అయిన 'రామయ్యా వస్తావయ్యా' సృష్టి వెనుక ఓ పెద్ద స్టోరీ ఉంది. అదేంటంటే..

Ramaiya Vastavaiya Song :బాలీవుడ్​ బాద్​షా షారుక్​ ఖాన్​ నటించిన 'జవాన్'​ సినిమా నుంచి తాజాగా ఓ సాంగ్​ రిలీజై నెట్టింట సందడి చేస్తోంది. అదే 'రామయ్యా వస్తావయ్యా'. ఈ సాంగ్​.. విడుదలైన కొద్ది సేపటికే సోషల్​ మీడియాలో తెగ ట్రెండ్​ అవుతోంది. ఈ పాటలో​ తన స్టెప్పులతో కింగ్ ఖాన్​ అదరగొట్టగా.. లేడీ సూపర్​ స్టార్​ నయన్​ కూడా స్టన్నింగ్​ లుక్స్​తో ఆకట్టుకుంది. మరో హీరోయిన్​ సన్య మల్హోత్రా కూడా ఈ సాంగ్​లో కనిపించి సందడి చేసింది

Shahrukh Khan Ramaiya Vastavaiya Song :అయితే ఈ పాటలో క్యాచీ లైన్​ అయిన 'రామయ్యా వస్తావయ్యా' పై అందరి దృష్టి పడింది. వాస్తవానికి అది ఓ తెలుగు పదం. ఇతర భాషల వారికి ఇది అంతగా తెలియనప్పటికీ.. తెలుగు వాళ్లకు ఈ మాట సుపరిచితమే. అంతే కాకుండా సినిమా టైటిల్స్​, సాంగ్స్​లో ఈ మాటను విరివిగా విన్నాం. అయితే ఈ లైన్​ను సినీ రంగానికి పరిచయం చేసింది మాత్రం ఓ బాలీవుడ్​ వ్యక్తి. ఇంతకీ ఆయన ఎవరంటే..

బాలీవుడ్​ స్టార్​ హీరో రాజ్​ కపూర్​. ఆయన లీడ్​ రోల్​లో తెరకెక్కిన సూపర్​ హిట్ మూవీ 'శ్రీ 420'. ఈ సినిమాకు శంకర్, జై కిషన్, శైలేంద్ర, హజ్రత్ జైపురితో కూడిన మ్యూజిక్​ టీమ్.. అద్భుతమైన సాంగ్స్​ను అందించారు. అయితే వీరందరూ​ అప్పుడప్పుడు ఖండాలాకు పర్యటించేవారు. ఇక మార్గ మధ్యలో వారందరూ ఓ మోటల్(రోడ్​ సైడ్​ హోటల్​)​ వద్ద ఆగి టీ తాగేవారు. అక్కడ వారికి రామయ్య అనే ఓ తెలుగు వెయిటర్​ పరిచయమయ్యారు. అయితే మూవీ టీమ్​లోని శంకర్​.. కొంత కాలం హైదరాబాద్​లో ఉన్నందున ఆయన మాత్రం రామయ్యతో తెలుగులో మాట్లాడేవారు.

Raj Kapoor Ramaiya Vastavaiya Song : అలా ఎప్పటిలాగే ఓ సారి మోటల్​కు వెళ్లగా.. శంకర్ ఏదో ఆర్డర్​ ఇచ్చేందుకు వెయిటర్​ రామయ్యను పిలిచారు. అయితే వెయిటర్​ కొంచెం బిజీగా ఉన్నందున ఆయన దగ్గరికి వచ్చేందుకు కాస్త సమయం పట్టింది. దీంతో రామయ్య కోసం వేచి ఉన్న శంకర్​.. వెంటనే 'రామయ్యా వస్తావయ్యా' అంటూ హమ్​ చేయడం మొదలెట్టారు. ఇక శంకర్​ మాటలకు యాదృచ్ఛికంగా జై కిషన్​ తబలా ట్యూన్​ జోడించారు.

'ఇంకేదైనా కావలా' అంటూ శంకర్​ను రామయ్య అడగ్గా.. గేయ రచయిత శైలేంద్ర వెంటనే.. 'మైనే దిల్​ తుఝకో దియా' అని అన్నారు. ఇక అంతే 'రామయ్యా వస్తవయ్యా' సాంగ్​ రెడీ అయిపోయింది. మ్యూజిక్​ టీమ్​ ఈ సాంగ్​ను రాజ్​ కపూర్​కు వినిపించగా.. అది ఆయనకు తెగ నచ్చిందట. దీంతో వెంటనే ఆ పాటకు తుది మెరుగులు దిద్ది సినిమాలో పెట్టారు. అలా అప్పటి నుంచి ఇప్పటి వరకు 'రామయ్యా వస్తావయ్యా' అనే ఈ లైన్​ తెగ పాపులరైంది. అలా 1955లో మ్యూజిక్​ లవర్స్​ను ఆకట్టుకున్న ఈ 'రామయ్యా వస్తావయ్యా'ను.. ఆ తర్వాత 2013లో నటుడు ప్రభుదేవ మరోసారి ప్రేక్షకులను పరిచయం చేశారు. తెలుగులో సూపర్​ హిట్​ అయిన 'నువ్వొస్తానంటే నేనొద్దంటానా' సినిమాను హిందీలో 'రామయ్యా వస్తావయ్య'గా రీమేక్​ చేశారు. ఇప్పుడు మళ్లీ దాదాపు 13 ఏళ్ల తర్వాత ఈ కొత్త సాంగ్​ వల్ల 'రామయ్యా వస్తావయ్యా' మళ్లీ ట్రెండింగ్​లోకి వచ్చింది.