Ram pothineni Boyapati movie Title : అభిమానులు ఎంతో ఆసక్తిగా ఎదురుచూస్తున్న బోయపాటి శ్రీను -రామ్ పోతినేని సినిమా టైటిల్ గ్లింప్స్ వచ్చేసింది. ఈ ప్రచార చిత్రంలో రామ్ పవర్ ఫుల్ అండ్ మాసీ లుక్ అదిరిపోయింది. 'మీరు దిగితే ఊరు ఏదైతే ఉండదో నేను దిగితే మిగిలేది ఉండదు' అంటూ రామ్.. విలన్లపై విరుచుకుపడేందుకు వెళ్తుంటే గూస్ బంప్స్ వస్తున్నాయి. ముఖ్యంగా తమన్ అందించిన బ్యాక్ గ్రౌండ్ మ్యూజిక్తో మరోసారి థియేటర్లు దద్దరిల్లడం ఖాయం అనిపిస్తోంది. మొత్తంగా ఈ గ్లింప్స్ బోయపాటి మార్క్- రామ్ ఎనర్జీకి తగినట్టుగా ఉంది.
ఇకపోతే ఇప్పటికే రిలీజైన ఈ చిత్ర టీజర్ కూడా ఫ్యాన్స్ను బాగా ఆకట్టుకుంది. మాస్ బ్యాక్ గ్రౌండ్ మ్యూజిక్తో ఈ ప్రచార చిత్రంలో రామ్ చెప్పిన డైలాగ్.. సూపర్ రెస్పాన్స్‌ను అందుకుంది. 'నీ స్టేట్ దాటలేనన్నావ్ దాటా.. నీ గేట్ దాటలేనన్నావ్ దాటా.. నీ పవర్ దాట లేనన్నావ్ దాటా'.. అంటూ ఆయన భారీగా డైలాగ్ చెప్పి ఆకట్టుకున్నారు. మొత్తంగా ఇప్పటివరకు రిలీజైన పోస్టర్స్, ప్రచార చిత్రాలు చూస్తుంటే.. ఈ సినిమాలో అన్ని కమర్షియల్ ఎలిమెంట్స్‌తో పాటు మాస్ యాక్షన్ ఎక్కువగా ఉండబోతుండనేది అర్థమవుతోంది.
Ram pothineni boyapati movie cast : ఇకపోతే ఈ చిత్రంలో యంగ్ బ్యూటీ హీరోయిన్ శ్రీలీల కథానాయికగా నటిస్తోంది. తమ్మిరాజు ఎడిటిర్గా వ్యవహరిస్తున్నారు. సంతోష్ డిటాకే కెమెరామెన్గా పని చేస్తున్నారు. సెప్టెంబర్ 15వ తేదీన ఈ సినిమా పాన్ ఇండియా స్థాయిలో ప్రేక్షకుల ముందుకు రానుంది. పవన్ కుమార్ సమర్పణలో శ్రీనివాస సిల్వర్ స్క్రీన్ బ్యానర్‌పై సినిమా రూపొందుతోంది. భారీ బడ్జెట్తో శ్రీనివాస చిట్టూరి నిర్మిస్తున్నారు. భారీ నిర్మాణ విలువలు, అత్యున్నత సాంకేతిక ప్రమాణాలతో చిత్రాన్ని రూపొందిస్తున్నారు.