Ram Charan Golden Bollywood Actor Award :2023పాప్ గోల్డెన్ అవార్డ్స్లో స్టార్ హీరో రామ్చరణ్, గోల్డెన్ బాలీవుడ్ యాక్టర్ ఆఫ్ ది ఇయర్ కేటగిరీలో విజేతగా నిలిచారు. ఈ మేరకు అవార్డు నిర్వాహకులు విజేతను అనౌన్స్ చేశారు. ఈ కేటగిరీ నామినేషన్స్లో రామ్చరణ్తో పాటు బాలీవుడ్ బాద్ షా షారుక్ ఖాన్, దీపికా పదుకొణె, రాశీ ఖన్నా, ఆదా శర్మ, రిద్ధి దోగ్రా ఉండగా, వీరందరినీ వెనక్కినెట్టి మెగా పవర్స్టార్ విజేతగా ఎంపికయ్యారు.
పాప్ గోల్డెన్ అవార్డ్స్ ఇంటర్నేషనల్ స్థాయిలో అందిస్తారు. ప్రతి ఏటా ఈ అవార్డ్స్ అమెరికాలో నిర్వహిస్తారు. అయితే భారత్లోని బాలీవుడ్ యాక్టర్లకు కూడా ఈ అవార్డ్స్ ఇచ్చి ప్రోత్సహిస్తుంటారు నిర్వహకులు. ఈ క్రమంలో 2023 సంవత్సరానికిగాను రామ్చరణ్ను అవార్డు వరించింది. ఇక ఆర్ఆర్ఆర్ సినిమాతో మెగా పవర్స్టార్ గ్లోబల్ స్టార్గా మారిపోయిన సంగతి తెలిసిందే.
Netflix CEO Meets Ram Charan : ఇదిలా ఉండగా, ప్రముఖ ఓటీటీ ప్లాట్ఫామ్ సంస్థ నెట్ఫ్లిక్స్ సీఈవో టెడ్ సరండోస్‌, రెండు రోజులుగా హైదరాబాద్ నగరంలో పర్యటిస్తున్నారు. ఈ క్రమంలో ఆయన, గురువారం రామ్చరణ్ నివాసాన్ని సందర్శించారు. సీఈవో టెడ్, మెగాస్టార్ చిరంజీవి సహా సాయిధరమ్ తేజ్, వైష్ణవ్ తేజ్, రామ్చరణ్తో కాసేపు ముచ్చటించారు. ఈ మీట్కు సంబంధించిన ఫొటోలు సోషల్ మీడియాలో వైరల్గా మారాయి.