Nikhil Ram Charan Movie : గ్లోబల్ స్టార్ రామ్ చరణ్ ఇటీవలే నిర్మాణ రంగంలోకి అడుగుపెట్టారు. ప్రొడ్యుసర్ విక్రమ్ రెడ్డితో కలిసి 'వి మెగా పిచర్స్' అనే బ్యానర్‌ను లాంచ్ చేశారు. ఈ క్రమంలో తన ప్రొడక్షన్ హౌస్ నుంచి వస్తున్న తొలి చిత్రం గురించి ఆదివారం అనౌన్స్ చేశారు. తను ప్రొడ్యూస్ చేస్తున్న తొలి సినిమాలో నిఖిల్ సిద్ధార్థ హీరోగా నటిస్తున్నారని తెలిపారు. స్వాతంత్య్ర సమరయోధులు వీర్ సావర్కర్ 140వ జయంతి సందర్భంగా 'ది ఇండియా హౌస్' చిత్రాన్ని అనౌన్స్ చేయడం తమకు ఎంతో సంతోషంగా ఉందంటూ ట్వీట్ చేసిన ఆయన..సినిమాకు సంబధించిన గ్లింప్స్ను ట్విట్టర్ వేదికగా అభిమానులతో పంచుకున్నారు.
The India House Glimpse : లండన్ నేపథ్యంలో, భారత్కు స్వతంత్య్రం రాక మందు కాలంలో జరిగిన ఘటనల ఆధారంగా 'ది ఇండియా హౌస్' తెరకెక్కుతోంది. ఈ సినిమాలో హీరో నిఖిల్.. శివ అనే పాత్రలో కనిపించనున్నారు. ప్రముఖ దర్శకుడు రామ్ వంశీకృష్ణ తెరకెక్కిస్తున్న ఈ సినిమాలో బాలీవుడ్ స్టార్ అనుపమ్ ఖేర్ నటిస్తున్నారు. శ్యామ్ జీ కృష్ణ వర్మ అనే కీలక పాత్రను అనుపమ్ పోషిస్తున్నారు. తేజ్ నారాయణ్ అగర్వాల్, అభిషేక్ అగర్వాల్ కూడా రామ్ చరణ్తో పాటు ఈ సినిమాకు నిర్మాతలుగా వ్యవహరిస్తున్నారు.