Rajinikanth Mahavatar Babaji : సూపర్ స్టార్ రజనీకాంత్ ప్రస్తుతం ఆధ్యాత్మిక పర్యటనలో ఉన్నారు. ఇందులో భాగంగా హిమాలయాలు, బద్రీనాథ్ క్షేత్రాన్ని సందర్శించిన ఆయన.. తాజాగా ఉత్తరాఖండ్ అల్మోరాలోని ద్వారహత్కు చేరుకున్నారు. అక్కడున్న మహావతార్ బాబా గుహలో 30 నిమిషాలు ధ్యానం చేశారు. యోగదా ఆశ్రమంలోని సాధువులను కలుసుకున్నారు. మార్గమధ్యంలో ఆయన్ను చూసేందుకు తరలి వచ్చిన అభిమానులతో సెల్ఫీలు దిగారు. మరుసటి రోజు ఉదయం ఆయన రాంచీకి బయలుదేరారు.
ఝార్ఖండ్ గవర్నర్తో భేటీ..
Rajini Meets Jharkhand Governor :బాబా గుహలను సందర్శించిన ఆయన.. ఆ తర్వాత ఝార్ఖండ్లోని రాంచీకి వెళ్లారు. అక్కడి గవర్నర్ సీపీ.రాధాకృష్ణన్ను కలిసి కాసేపు మాట్లాడారు. దీనికి సంబంధించిన ఫొటోలను గవర్నర్ రాధాకృష్ణ ట్విట్టర్ వేదికగా పంచుకున్నారు.
"రాంచీకి రజనీ రావడం ఆనందంగా ఉంది. నా ప్రియ మిత్రుడైన ఆయనను రాజ్‌భవన్‌లో కలవడం చాలా సంతోషంగా ఉంది. ఝార్ఖండ్ అనే గొప్ప ప్రదేశానికి ఆయనకు హృదయపూర్వకంగా స్వాగతం పలుకుతున్నాను" అంటూ రాధాకృష్ణ రాసుకొచ్చారు.
Rajinikanth Jailer : 'జైలర్' రిలీజ్కు ముందే హిమాలయాలకు బయలుదేరిన రజనీ ప్రస్తుతం ఆధ్యాత్మిక పర్యటనలో ఉన్నారు. ఇక ఈ పర్యటన తర్వాత ఆయన చెన్నైకి తిరిగి వచ్చి 'జైలర్' మూవీ టీమ్తో సెలబ్రేషన్స్ చేసుకోనున్నారట. ప్రస్తుతం రజనీకాంత్ తన కూతురు ఐశ్వర్య రజనీకాంత్ తెరకెక్కించిన 'లాల్ సలామ్' సినిమాలో గెస్ట్ రోల్ చేశారు. ఈ ప్రాజెక్ట్ తర్వాత 'జై భీమ్' దర్శకుడు జ్ఞానవేల్తో కలిసి పనిచేయనున్నారు.