Rajamouli Tamilnadu Trip : ఎప్పుడూ సినిమాలతో బిజీ బిజీగా ఉండే టాలీవుడ్ స్టార్ డైరెక్టర్ రాజమౌళి.. వాటన్నింటికి కాస్త బ్రేక్ ఇచ్చి.. తన ఫ్యామిలీ టైమ్ను బాగా స్పెండ్ చేస్తూ కనిపించారు. ఇటీవలే తమిళనాడు టూర్ వెళ్లిన ఆయన.. అక్కడి పలు ప్రసిద్ధ పుణ్యక్షేత్రాలకు కుటుంబసభ్యులతో పర్యటించారు. ఈ క్రమంలో తాజాగా తన ఆధ్యాత్మిక యాత్రకు సంబంధించిన ఓ వీడియోను సామాజిక మాధ్యమాల్లో షేర్ చేశారు. ఈ ప్రయాణం తనకెంతో ఉత్సాహాన్నిచ్చిందంటూ ఆయన ట్విట్టర్ వేదికగా తెలిపారు.
తమిళనాడు టూర్లో రాజమౌళి.. 'చిరకాల కోరిక నెరవేరింది'
Rajamouli Tour Video : దర్శక ధీరుడు రాజమౌళి ఇటీవలే తన కుటుంబసభ్యులతో కలిసి తమిళనాడు ట్రిప్కు వెళ్లారు. ఈ క్రమంలో అక్కడి ప్రసిద్ధ పుణ్యక్షేత్రాలను సందర్శించిన ఆయన.. ఆ టూర్కు సంబంధించిన ఓ స్పెషల్ వీడియోను షేర్ చేశారు.
Rajamouli Tamilnadu Trip
"రోడ్‌ ట్రిప్ చేస్తూ.. తమిళనాడులోని దేవాలయాలను సందర్శించాలని నేను చాలా రోజులుగా అనుకుంటున్నాను. ఈ విషయంలో మా అమ్మాయికి ధన్యవాదాలు చెప్పాలి. జూన్‌ చివరి వారమంతా శ్రీ రంగం, బృహదీశ్వరాలయం, రామేశ్వరం, కనడుకథన్‌, తూత్తుకూడి, మధురై లాంటి ప్రసిద్ధ దేవాలయాలను సందర్శించాం. ఆ దేవాలయాల్లోని శిల్పకళ చూసి నేను ఆశ్చర్యపోయాను. చోళుల కాలంలోనే ఎంతో గొప్ప ఇంజినీర్లు ఉన్నారు. వాళ్ల ఆధ్యాత్మిక ఆలోచనలు, ప్రతిభ అందరినీ మంత్రముగ్దులను చేస్తాయి. కుంభకోణంలోని కాక హోటల్‌, రామేశ్వరంలోని మురుగదాస్ హోటల్‌లో భోజనం ఎంతో రుచికరంగా ఉంది. నేను వారంలోనే 3 కిలోలు పెరిగాను. మూడు నెలల విదేశీ టూర్ తర్వాత మన దేశంలో ఇలా పుణ్యక్షేత్రాలు సందర్శించడం నాకెంతో ఉత్సాహాన్నిచ్చింది" అంటూ రాసుకొచ్చారు. ఈ ట్వీట్‌ చూసిన నెటిజన్లు 'మీ డ్రీమ్‌ ప్రాజెక్ట్ 'మహాభారతం' కోసం వెళ్లారా' అంటూ నెట్టింట కామెంట్లు పెడుతున్నారు. అప్పట్లో ఈ ట్రిప్కు సంబంధించిన కొన్ని ఫొటోలు సోషల్ మీడియాలో వైరల్ అయిన సంగతి తెలిసిందే..
Rajamouli Movies : ఇక రాజమౌళి సినిమాల విషయానికొస్తే.. 'ఆర్ఆర్ఆర్' తర్వాత ఆయన తన నెక్స్ట్ ప్రాజెక్ట్ కోసం మహేశ్‌ బాబుతో పనిచేయనున్నారు. ఓ అడ్వెంచర్‌ మూవీ ప్లాన్ చేసిన ఆయన ఈ సినిమాకు సంబంధించిన స్క్రిప్టింగ్ పనులను పరిశీలిస్తున్నరని సమాచారం. అన్ని సవ్యంగా జరిగితే త్వరలోనే ఈ సినిమా సెట్స్‌ పైకి వెళ్లనుందని టాక్. మరోవైపు జూనియర్ ఎన్టీఆర్‌ - రామ్‌చరణ్లతో కలిసి 'ఆర్ఆర్ఆర్' సీక్వెల్ను తెరకెక్కించే ప్లాన్లో ఉన్నారట. అలాగే మహేశ్‌ సినిమా పూర్తైన తర్వాత తన డ్రీమ్‌ ప్రాజెక్ట్ 'మహాభారతం' మొదలుపెట్టాలనే ఆలోచనలో ఉన్నారట దర్శకధీరుడు.