Rajamouli Mahesh Movie :దిగ్గజ దర్శకుడు రాజమౌళి - సూపర్ స్టార్ మహేశ్ బాబు కాంబినేషన్లో ఓ మూవీ రాబోతోంది. అయితే ఈ సినిమాపై ఇప్పటి వరకు ఎలాంటి అధికారిక అప్డేట్స్ రాలేదు. కానీ ఈ సినిమా గురించి తరచూ పలు వార్తలు నెట్టింట్లో చక్కర్లు కొడుతూనే ఉన్నాయి. అయితే తాజాగా ఈ సినిమా గురించి మరి కొన్ని విషయాలు సోషల్ మీడియాలో వైరల్ అవుతున్నాయి. ఈ సినిమాను రూ.1,500 కోట్ల భారీ బడ్జెట్తో నిర్మిస్తున్నారని ప్రచారం జరుగుతోంది. అంతేకాకుండా ఈ సినిమా కోసం రూ.100 కోట్లతో ప్రత్యేక సెట్ ఏర్పాటు చేస్తున్నారని వార్తలు వస్తున్నాయి. అయితే ఈ విషయంపై అటు మహేశ్ బాబు గానీ, ఇటు రాజమౌళి గానీ అధికారికంగా వెల్లడించలేదు. ఈ సినిమా షూటింగ్ ఈ ఏడాది ఏప్రిల్లో ప్రారంభమవుతుందని ఇంతకుముందు వార్తలు వచ్చాయి. దీనిపై కూడా చిత్ర యూనిట్ స్పందించలేదు.
'ప్రపంచాన్ని చుట్టే సాహసికుడి కథ'
ఈ సినిమా ఆఫ్రికా అడవుల నేపథ్యంలో అడ్వెంచర్ కాన్సెప్ట్తో ఉంటుందని గతంలో రాజమౌళి, ఆయన తండ్రి రచయిత విజయేంద్రప్రసాద్ చెప్పారు. మహేశ్ ఇంటెన్సిటీ ఉన్న యాక్టర్ అని, అలాగే ఈ సినిమా కథ ఎంతో సాహసోపేతమైన కథ అని తెలిపారు. విజయేంద్ర ప్రసాదే ఈ చిత్రానికి కథ అందిస్తున్నారు. ఈ మూవీ రెండు భాగాలుగా రానుంది. ఈ చిత్రాన్ని అగ్ర తారాగణంతో రూపొందించనున్నారట.