జూనియర్ ఎన్టీఆర్, రామ్చరణ్ కథానాయకులుగా దర్శకధీరుడు రాజమౌళి తెరకెక్కించిన ఆర్ఆర్ఆర్ చిత్రం బాక్సాఫీస్ వద్ద దూసుకోపోతోంది. దీంతో స్టార్ ప్రొడ్యూసర్, డిస్ట్రిబ్యూటర్ దిల్ రాజు ఆర్ఆర్ఆర్ టీమ్కు సక్సెస్ పార్టీ ఇచ్చారు. ఈ విందుకు కొరటాల శివ, అనిల్ రావిపుడి, ఎన్టీఆర్, చరణ్, రాజమౌళి, కీరవాణితోపాటు టాలీవుడ్ నుంచి దర్శకులు, నిర్మాతలు, నటులు హాజరయ్యారు. పార్టీలో అనిల్ రావిపూడి సందడి చేశారు. రాజమౌళితో నాటు.. నాటు పాటకు స్టెప్పులు వేయించారు.
నాటు నాటు పాటకు రాజమౌళి స్టెప్పులు అదుర్స్
ఆర్ఆర్ఆర్ మూవీ బాక్సాఫీస్ కలెక్షన్ల వర్షం కురిస్తున్న సందర్భంగా.. చిత్ర యూనిట్కు స్టార్ ప్రొడ్యూసర్, డిస్ట్రిబ్యూటర్ దిల్ రాజు పార్టీ ఇచ్చారు. అయితే ఆ విందులో దర్శకధీరుడు రాజమౌళి నాటు.. నాటు.. పాటకు స్టెప్పులు వేసి అదుర్స్ అనిపించారు.
Rajamouli danced to the song Natu .. Natu .. at Dil Raju Party
ఆర్ఆర్ఆర్ ప్రమోషన్స్లో భాగంగా జూనియర్ ఎన్టీఆర్, రామ్చరణ్, రాజమౌళిని అనిల్ రావిపూడి ఇంటర్వ్యూ చేశారు. ఆ సమయంలో సినిమా సక్సెస్ మీట్లో నాటు.. నాటు.. పాటకు స్టెప్పులు వేసి ప్రేక్షకులకు థ్యాంక్స్ చెబుతానని రాజమౌళి చెప్పారు. ఆ మాట ప్రకారం.. ఈ పార్టీలో రాజమౌళితో నాటు.. నాటు పాటకు స్టెప్పులు వేయించారు అనిల్. దీంతో పార్టీలో అంతా ఉత్సాహంగా చప్పుట్లు కొట్టారు. నైజాం ఏరియాలో ఆర్ఆర్ఆర్ సినిమాను దిల్ రాజు డిస్ట్రిబ్యూట్ చేశారు. ఈ ప్రాంతంలో సినిమా కలెక్షన్లు సరికొత్త రికార్డు సృష్టించి దూసుకుపోతున్నాయి. ఆ ఆనందంలో దిల్రాజు ఆర్ఆర్ఆర్ టీమ్కు పార్టీ ఇచ్చారు.