Raja Saab Story Leaked: 'సలార్' సినిమాతో హిట్ అందుకున్న పాన్ఇండియా స్టార్ ప్రభాస్ ప్రస్తుతం నెక్ట్స్ ప్రాజెక్ట్లతో బిజీగా ఉన్నారు. ఈ క్రమంలో ప్రభాస్- మారుతి కాంబోలో తెరకెక్కుతున్న 'రాజాసాబ్' ఫస్ట్ లుక్ పోస్టర్ను మేకర్స్ రీసెంట్గా రిలీజ్ చేశారు. ఈ సినిమాలో ప్రభాస్ న్యూ లుక్లో కనిపించనున్నారు. లుంగీలో ఉన్న ప్రభాస్ లుక్ అందర్నీ ఆకట్టుకుంటోంది. అయితే సినిమా ఇన్ఫర్మేషన్ వెబ్సైట్ ఐఎమ్డీబీ (IMDB) ఈ సినిమా స్టోరీ లైన్ను చెప్పేసింది. దీనిపై డైరెక్టర్ మారుతి స్పందించారు. ట్విట్టర్లో దీనిపై రిప్లై ఇచ్చారు.
'ప్రేమలో పడిన జంటకు దుష్టశక్తుల వల్ల ఎదురయ్యే కష్టాలు, విధిని ఎదిరించి వారు పోరాడటం వంటి అంశాలతో 'రాజా సాబ్‌' తెరకెక్కనుందని 'ఐఎమ్డీబీ' పేర్కొంది. అయితే ఈ స్క్రీన్ షాట్ను పోస్ట్ చేస్తూ మారుతి ఓ ట్వీట్ చేశారు. 'అరెరే నాకు ఈ స్టోరీలైన్‌ గురించి తెలియక మరో స్క్రిప్ట్‌తో సినిమా తీస్తున్నాను. ఇప్పుడు ఐఎమ్డీబీ సమాజం నా స్క్రిప్ట్‌ను అంగీకరిస్తుందో లేదో' అని రాసుకొచ్చారు. ప్రస్తుతం ఈ ట్వీట్ నెట్టింట తెగ ట్రెండ్ అవుతోంది.
సినిమా విషయానికొస్తే:ఈ సినిమా షూటింగ్ ఇప్పటికే ప్రారంభమైందట. కానీ, మూవీటీమ్ ఈ విషయాన్ని సీక్రెట్గా ఉంచిందని సమాచారం. రాజాసాబ్లో మాళవిక మోహనన్‌, నిధి అగర్వాల్‌ హీరోయిన్లుగా నటిస్తున్నారని తెలుస్తోంది. ఇక మ్యూజిక్ సంచలనం తమన్ సంగీతం అందిస్తున్నారు. పీపుల్ మీడియా ఫ్యాక్టరీ బ్యానర్పై టీజీ విశ్వ ప్రసాద్ ఈ సినిమాను నిర్మిస్తున్నారు. తెలుగు సహా హిందీ, తమిళం, మలయాళం, కన్నడ భాషల్లో పాన్ఇండియా లెవెల్లో ఈ సినిమా రూపొందుతోంది.