Raj Tarun Latest Movie : టాలీవుడ్ యంగ్ హీరో రాజ్ తరుణ్.. వరుసగా ఎన్ని సినిమాలు చేస్తున్నప్పటికీ లక్కు మాత్రం లేక వరుస పరాజయాలను అందుకుంటున్నారు. అయితే ఇప్పుడాయన సక్సెస్ కోసం మరో సినిమాతో ఆడియెన్స్ ముందుకు రాబోతున్నారు. అదే 'తిరగబడరా సామి'. తాజాగా ఈ సినిమా టీజర్ను ప్రముఖ ప్రొడ్యూసర్ దిల్రాజు విడుదల చేశారు.
Raj Tarun Tiragabadara Sami Teaser release : ఈ ప్రచార చిత్రం ఆద్యంతం ఫన్ అండ్ యాక్షన్ సీన్స్ ఆకట్టుకునేలా ఉంది. ఇందులో హీరో రాజ్తరుణ్ ఓ పిరికివాడుగా కనిపించగా.. హీరోయిన్ను మాస్గా చూపించారు. వీరిద్దరు బాలయ్య అభిమానులుగా కనిపించారు. వీరిద్దరి మధ్య రొమాంటిక్ సీన్స్ కూడా బాగానే ఉన్నాయి. బాలయ్య సినిమా టికెట్స్ కోసం మర్డర్ చేసిన తప్పులేదు హీరోయిన్ డైలాగ్ చెప్పడం హైలైట్గా ఉంది.
ఇక సినిమాలో విలన్గా నటించిన మకరంద్ దేశ్పాండే పాత్ర కూడా ఆసక్తికరంగా ఉంది. 'ఇది నా సామాజ్ర్యం అందరూ గంజాయి వనం అంటున్నారని ఓ తులసి మొక్కను నాటాను. అది ఇప్పుడు కనపడట్లేదు. ' అంటూ ఆయన చెప్పిన డైలాగ్ కూడా బాగానే ఉంది. చివరికి ఈ ప్రచార చిత్రాన్ని జై బాలయ్య స్లోగాన్స్తో ముగించారు. మొత్తంగా ఓ అందమైన ప్రేమ కథ, కుటుంబ భావోద్వేగాలు, యాక్షన్, మాస్ ఎలిమెంట్స్, కామెడీ.. ఇలా అన్ని అంశాలతో కూడిన కథను ఈ సినిమాలో చూపించబోతున్నట్లు అర్థమవుతోంది.