Pushpa 2 Shoot Delay: 'పుష్ప'.. సుకుమార్, అల్లు అర్జున్ కాంబోలో వ‌చ్చిన ఈ చిత్రం బాక్సాపీస్ను ఓ రేంజ్లో షేక్ చేసింది. తెలుగు, మ‌ల‌యాళం, హిందీతోపాటు మిగిలిన భాష‌ల్లో మంచి టాక్‌తో పాటు క‌లెక్ష‌న్ల‌ను రాబ‌ట్టింది. ముఖ్యంగా బన్నీ మాస్గెటప్, నటన, దేవీ శ్రీ ప్రసాద్ మ్యూజిక్ సినిమాకే హైలైట్గా నిలిచాయి. స్టార్ హీరోయిన్ సమంత చిందులేసిన 'ఊ అంటావా మావ' స్పెషల్ సాంగ్ దేశవ్యాప్తంగా మార్మోగిపోయింది. క‌న్న‌డ భామ ర‌ష్మిక ఈ చిత్రంలో శ్రీవ‌ల్లిగా డీ గ్లామ‌ర్ పాత్ర‌లో న‌టించి.. ఓ రేంజ్లో పాపులారిటీ సంపాదించుకుంది. ఇక, 'పుష్ప 2' షూటింగ్ కూడా త్వరలోనే షురూ కానున్న‌ట్టు వార్త‌లు ఇప్ప‌టికే వ‌చ్చాయి.
తాజాగా 'పుష్ప 2' షూటింగ్కు సంబంధించి మరో వార్త నెట్టింట హ‌ల్చ‌ల్ చేస్తోంది. లెక్క‌ల మాస్టారు సుకుమార్.. యూఎస్ నుంచి నెల రోజుల త‌ర్వాత హైద‌రాబాద్‌కు తిరిగా రానున్నారట. పుష్ప 2ను మొద‌లుపెట్టేందుకు మరో 3-4 నెల‌లు టైమ్ తీసుకోవాల‌ని అనుకుంటున్నారట. ఇది అధికారిక ప్రకటన కాకున్నా.. ఇంత‌కీ ఇలా సడెన్గా ఎందుకు ఈ నిర్ణయం తీసుకున్నారని సినీప్రియులు అప్పుడే తెగ చ‌ర్చించ‌ుకుంటున్నారు. 'కేజీఎఫ్ చాఫ్ట‌ర్ 2' సినిమా చూసిన త‌ర్వాతే సుకుమార్ త‌న మైండ్ సెట్ను మార్చుకున్నారని టాక్ వినిపిస్తోంది.