Pushpa 2 Release Date :'పుష్ప' ఇప్పుడు దేశంలో ఫుల్ ట్రెండింగ్లో ఉన్న పేరు ఇదే. 'పుష్ప ద రైజ్' సినిమాలో అల్లు అర్జున్ నటనకుగాను.. తాజాగా జాతీయ అవార్డు దక్కిన విషయం తెలిసిందే. దీంతో ప్రస్తుతం షూటింగ్ పనులు జరుపుకుంటున్న 'పుష్ప ద రూల్' సినిమాపై అంచనాలు భారీగా పెరిగాయి. ఈ క్రమంలో పుష్ప సీక్వెల్పై ఓ ఇంట్రెస్టింగ్ బజ్ క్రియేట్ అయ్యింది.
అల్లు అర్జున్- సుకుమార్ కాంబినేషన్లో తెరకెక్కుతున్న 'పుష్ప ద రూల్' సినిమా విడుదలపై మూవీ మేకర్స్ ఓ అంచనాకు వచ్చినట్లు తెలుస్తోంది. ఈ సినిమాను వచ్చే ఏడాది వేసవి కానుకగా థియేటర్లలో విడుదల చేయాలని సన్నాహాలు చేస్తున్నట్లు ఇన్సైట్ టాక్ వినిపిస్తోంది. ఈ నేపథ్యంలో 2024 మార్చి 22న లేదా ఆ తర్వాత వారం 29న రెండింట్లో ఏదో ఒక డేట్ను మూవీ మేకర్స్ ఫిక్స్ చేయనున్నట్లు సమాచారం. ఇప్పటికే కీలక సన్నివేశాలు సహా.. దాదాపు 70 శాతానికి పైగా షూటింగ్ పనులు పూర్తి చేసుకున్న ఈ సినిమా.. త్వరలోనే పోస్ట్ ప్రొడక్షన్ పనులు ప్రారంభం కానున్నాయట.
Pushpa 2 Cast :పుష్పసీక్వెల్లో బన్నీ సరసన రష్మికా మందన్నా హీరోయిన్గా నటిస్తున్నారు. తమిళ స్టార్ హీరో విజయ్ సేతుపతి, జగపతి బాబు, ప్రియమణి, ఫహాద్ ఫాజిల్, ప్రకాశ్ రాజ్ కీలక పాత్రల్లో కనిపించనున్నారు. రాక్స్టార్ దేవి శ్రీ ప్రసాద్ సంగీతం అందిస్తున్నారు. ఇక మైత్రి మూవీ మేకర్స్ బ్యానర్పై నవీన్ యర్నేని, రవి శంకర్ ఈ సినిమాను నిర్మిస్తున్నారు.