Pushpa 2 Latest News : ఐకాన్ స్టార్ అల్లు అర్జున్ నటిస్తున్న 'పుష్ప- ది రూల్‌' కోసం పాన్ ఇండియా మూవీ లవర్స్ ఎంతో ఆసక్తిగా ఎదురు చూస్తున్నారు. అభిమానుల అంచనాలను మించేలా సినిమాను తీర్చిదిద్దుతున్నారు దర్శకుడు సుకుమార్. అయితే తాజాగా ఈ సినిమాకు సంగీత దర్శకుడిగా పనిచేస్తున్న దేవి శ్రీ ప్రసాద్(pushpa 2 music director).. 'పుష్ప 2' గురించి కొన్ని ఇంట్రెస్టింగ్ విషయాలను చెప్పారు. ఈ సారి సినిమా మరో స్థాయిలో ఉండనుందని తెలిపారు.
Pushpa 2 Action scene : "ఈ చిత్రం కోసం మేమంతా ఎంతో ఆసక్తిగా వెయిట్ చేస్తున్నాం. ఈ సినిమాకు సంబంధించి ఇప్పుడే ఎక్కువ విషయాలను చెప్పలేను. కానీ ఒకటి మాత్రం చెప్పగలను. ఎవరూ ఊహించని విధంగా దర్శకుడు సుకుమార్ దీన్ని తెరకెక్కిస్తున్నారు. ఈ సినిమా మైండ్‌ బ్లోయింగ్‌ స్క్రిప్ట్‌. ఒక సీక్వెన్స్‌కు సంబంధించిన విజువల్ను నేను చూశాను. ఆ సీక్వెన్స్‌ గురించి ఇప్పుడు ఎక్కువగా చెప్పను. కానీ అది మాత్రం మైండ్‌ బ్లోయింగ్‌ సీక్వెన్స్‌" అని దేవిశ్రీ ప్రసాద్ పేర్కొన్నారు. ప్రస్తుతం ఈ విషయంలో నెట్టింట్లో తెగ చక్కర్లు కొడుతోంది.
Pushpa Movie Story : ఎర్ర చందనం స్మగ్లింగ్‌ నేపథ్యంలో ఈ సినిమా తెరకెక్కింది. ఊరమాస్‌ యాక్షన్‌ ఎంటర్‌టైనర్‌గా సినిమాను తీర్చిదిద్దారు దర్శకుడు సుకుమార్. నేషనల్ క్రష్గా ఇమేజ్ సంపాదించుకున్న రష్మిక హీరోయిన్గా నటించింది. 2021లో రిలీజైన ఈ మూవీ పాన్ ఇండియా రేంజ్లో భారీ కలెక్షన్లను అందుకుంది. ముఖ్యంగా బాలీవుడ్లో మంచి హిట్ను అందుకుంది.