Pushpa 2 Gamechanger Movie Release Dates : టాలీవుడ్ మోస్ట్ అవైటెడ్ సినిమాలు చాలానే ఉన్నాయి. కానీ అవన్నీ వచ్చే ఏడాదే ప్రేక్షకుల ముందుకు రానున్నాయి. ఒక్క సలార్ మాత్రం ఈ ఏడాది చివర్లో వచ్చే అవకాశం ఉంటుంది. లేదంటే అది కూడా వచ్చే ఏడాదే 2024 వస్తుంది. అలా వచ్చే ఏడాది.. సూపర్ స్టార్ మహేశ్ బాబు, పవర్ స్టార్ పవన్ కల్యాణ్, యంగ్ టైగర్ ఎన్టీఆర్, మెగా పవర్ స్టార్ రామ్ చరణ్, ఐకాన్ స్టార్ అల్లు అర్జున్, పాన్ ఇండియా రెబల్ స్టార్ ప్రభాస్ ఇలా చాలా మంది స్టార్ హీరోల సినిమాలు రాబోతున్నాయి.
Pushpa 2 Release Date : కానీ వీటిలో అల్లు అర్జున్ పుష్ప 2, రామ్ చరణ్ గేమ్ ఛేంజర్ విడుదల తేదీపై ఇంకా సస్పెన్స్ కొనసాగుతూనే ఉంది. ఈ రెండు సినిమాలు.. వచ్చే ఏడాది సమ్మర్కు విడుదలయ్యే ఛాన్స్ ఉందని మొన్నటి వరకు గట్టిగానే ప్రచారం సాగింది. కానీ ఇప్పుడా పరిస్థితి అస్సలు కనపడట్లేదు. పుష్ప 2ను వేసవి కన్నా ముందే మార్చి చివర్లో విడుదల చేయాలని మేకర్స్ ట్రై చేస్తున్నారట.
కానీ ఈ సినిమా షెడ్యూల్స్ చూస్తుంటే కాస్త ఆలస్యంగా అవుతున్నట్లు సమాచారం అందుతోంది. మొదటి భాగానికి విశేష ఆదరణ వచ్చిన సంగతి తెలిసిందే. దీంతో సెకండ్ పార్ట్ కోసం దర్శకుడు సుకుమార్ మరింత జాగ్రత్తగా భారీగా ప్లాన్ చేసి మరీ తెరకెక్కిస్తున్నారట. ఎక్కడా రాజీపడకుండా షూట్ చేస్తున్నారట. ఇప్పటివరకు 1/3 షూటింగ్ జరిగిందని అంటున్నారు. అంటే మిగతా భాగం కంప్లీట్ అవ్వడానికి మరింత సమయం పడుతుంది. ఒకవేళ ఈ చిత్రం వచ్చే ఏడాది వేసవికి పూర్తి కాకపోయినా పెద్దగా ఆశ్చర్యపోనక్కర్లేదు.