Puri Jagannadh Letter: దర్శకుడు పూరీ జగన్నాథ్ తెరకెక్కించిన ప్రాజెక్ట్‌ 'లైగర్'. భారీ అంచనాల మధ్య విడుదలైన ఈసినిమా బాక్సాఫీస్‌ వద్ద పరాజయం పొందింది. ఈ చిత్రాన్ని కొనుగోలు చేసి తాము నష్టపోయామని, తమకు తిరిగి డబ్బు చెల్లించాలని పలువురు డిస్ట్రిబ్యూటర్లు తనని వేధిస్తున్నారని ఇటీవల ఆయన పోలీసులను ఆశ్రయించారు.
'లైగర్' ఫ్లాప్‌, వివాదం నేపథ్యంలో.. దర్శకుడు పూరీ జగన్నాథ్ గురించి ఇండస్ట్రీలో చర్చ జరుగుతోంది. ఆయన ఆర్థిక పరిస్థితి, కెరీర్‌ గురించి నెటిజన్లు పలు రకాలుగా మాట్లాడుకుంటున్నారు. ఈ నేపథ్యంలో పూరీ ఓ లేఖ విడుదల చేశారు. మనిషి జీవితం ఎలా ఉంటుంది? సక్సెస్‌, ఫెయిల్యూర్‌పై.. తన అభిప్రాయాన్ని అందులో తెలియజేశారు. జీవితంలో జయాపజయాలు సర్వసాధారణమని అన్నారు.