మలయాళ సూపర్ హిట్ ఫిల్మ్ అయ్యప్పనుమ్ కోషియుమ్ను తెలుగులో పవర్ స్టార్ పవన్ కల్యాణ్, రానాల కలయికలో 'భీమ్లా నాయక్' పేరుతో విడుదలై హిట్ అయింది. మాటల మాంత్రికుడు త్రివిక్రమ్ మాటలు స్క్రీన్ ప్లే అందించగా సాగర్ కె. చంద్ర ఈ రీమేక్కు దర్శకత్వం వహించారు. అయితే ఈ మూవీకి ఫస్ట్ ఛాయిస్ పవన్ కల్యాణ్ కాదని తెలిసింది. ఈ మూవీని సితార ఎంటర్టైన్మెంట్ బ్యానర్పై సూర్యదేవర నాగవంశీ నిర్మించారు. తనే ఈ విషయాన్ని తాజాగా వెల్లడించారు. నందమూరి బాలకృష్ణ హోస్ట్గా వ్యవహరిస్తున్న టాక్ షో 'అన్ స్టాపబుల్ విత్ ఎన్బీకే'కు యువ హీరోలు విశ్వక్సేన్, సిద్ధు జొన్నలగడ్డతో కలిసి గెస్ట్ వచ్చిన ఆయన ఈ విషయాన్ని చెప్పారు.
నాగవంశీతో బాలయ్య మాట్లాడుతూ.. 'భీమ్లానాయక్ సినిమా ఫస్ట్ ఛాయిస్ ఎవరు..?' అని ప్రశ్నించారు. దానికి నాగవంశీ.. 'మీరే సర్.. మేం మీ చుట్టూ తిరిగి హీరోగా మిమ్మల్ని అడిగిన తరువాత సినిమా చూసి కళ్యాణ్ గారు చేస్తే బాగుంటుందని మీరే కదా సజెస్ట్ చేశారు' అంటూ సమాధానమిచ్చారు. అలాగే ఇతర నిర్మాణ సంస్థల్లో త్రివిక్రమ్ పని చేయటం తనకు నచ్చదని పేర్కొన్నారు.