Priyamani Bhamakalapam 2 Glimpse : ఎన్నో సినిమాలు, వెబ్ సిరీసులు అందిస్తున్న ఆహా ఓటీటీ నుంచి తాజాగా మరో సినిమా రానుంది. ఇదివరకే గతంలో ఆహా ఓటీటీలో 'భామాకలాపం' సినిమా రిలీజై మంచి సక్సెస్ను అందుకున్న సంగతి తెలిసిందే. హీరోయిన్ ప్రియమణి, శరణ్య ప్రదీప్ ప్రధాన పాత్రలో నటించిన ఈ సినిమాకు సూపర్ రెస్పాన్స్ వచ్చింది.
అయితే ఇప్పుడీ సినిమాకు సీక్వెల్ రానుంది. అభిమన్యు తాడిమేటి తెరకెక్కిస్తున్న ఈ సినిమాను బాపినీడు, సుధీర్‌ ఈదర సంయుక్తంగా నిర్మిస్తున్నారు. సీరత్‌ కపూర్‌, రఘు ముఖర్జీ, బ్రహ్మాజీ తదితరులు కీలక పాత్రలు పోషిస్తున్నారు. తాజాగా మేకర్స్ గ్లింప్స్ వీడియోను రిలీజ్ చేశారు. ఇది ఆకట్టుకునేలా ఉంది. ఇందులో ప్రియమణి, శరణ్య సస్పెన్స్ డైలాగ్స్‌ మరింత ఆసక్తిని పెంచాయి. ప్రియమణి, శరణ్య ఇద్దరూ ఏదో ఇల్లీగల్ పని చేయడానికి వెళ్తున్నట్లుగా చూపించారు. 'చెరో 25 లక్షలు. ఇద్దరికి కలిపి 50 లక్షలు. ఎన్ని ఇడ్లీలు అమ్మితే అంత డబ్బు వస్తుంది' అని శరణ్య చెప్పే డైలాగ్తో ప్రారంభమైన ఈ గ్లింప్స్లో 'మనం చేస్తుంది కరెక్టేనా' అని ప్రియమణి అడగగా - 'అసలు ఇది మొదలు పెట్టిందే మీరు. మీరు మాములు వైఫా - డేంజరస్ వైఫ్' అని శరణ్య చెప్పడం క్యూరియాసిటినీ పెంచింది. ఫైనల్గా ఇద్దరూ మొహానికి మంకీ క్యాప్ పెట్టుకుని నడుచుకుంటూ రావడం, బ్యాక్ గ్రౌండ్లో మ్యూజిక్ రావడం అంతా ఆకట్టుకునేలా ఉంది.