20 ఏళ్లుగా ఎన్టీఆర్​కు ఫ్యాన్​ని.. కానీ: ప్రశాంత్ నీల్

Prashanth Neel About NTR: యంగ్​టైగర్​ ఎన్టీఆర్​కు తాను 20 ఏళ్లుగా అభిమానినని అన్నారు 'కేజీయఫ్' దర్శకుడు ప్రశాంత్ నీల్. గత రెండేళ్లలో మంచి మిత్రులు అయినట్లు ఇటీవలే ఓ ఇంటర్వ్యూలో వెల్లడించారు. 'ఎన్టీఆర్​31' గురించి ఆసక్తికర విశేషాలు తెలిపారు.

Prashanth Neel About NTR: 'కేజీయఫ్​'తో దేశవ్యాప్తంగా సంచలనం సృష్టించిన దర్శకుడు ప్రశాంత్ నీల్. ప్రస్తుతం ప్రభాస్​తో 'సలార్' తెరకెక్కిస్తున్న ఆయన.. అనంతరం యంగ్​టైగర్​ ఎన్టీఆర్​తో ఓ సినిమా (ఎన్టీఆర్31) చేయనున్నారు. ఏప్రిల్ 14న 'కేజీయఫ్2' విడుదల సందర్భంగా ఇటీవలే ఓ ఇంటర్వ్యూలో పాల్గొన్న ఆయన.. తారక్​ గురించి తన అనుబంధాన్ని పంచుకున్నారు.

'కేజీయఫ్2'

"జూనియర్​ ఎన్టీఆర్​కు 20 ఏళ్లుగా అభిమానిని. గత రెండేళ్లలో చాలా క్లోజ్ ఫ్రెండ్స్​ అయ్యాం. నేను చెప్పిన కథ అతడికి బాగా నచ్చింది. దానిపైనే ఇప్పుడు పనిచేస్తున్నాం. ఈ సినిమా కోసం ఎంతో ఉత్సాహంగా ఎదురుచూస్తున్నా."

-ప్రశాంత్ నీల్, దర్శకుడు

"ప్రస్తుతం ప్రభాస్​తో 'సలార్', 'ఎన్టీఆర్​ 31'.. ఈ రెండు ప్రాజెక్టులు మాత్రమే చేస్తున్నా. భవిష్యత్తులో మురళితో చేయాలనుకుంటున్నా. అందుకోసం ఓ ప్రాజెక్టు సిద్ధంగా ఉంది. ఇక యశ్​తో మరోసారి పనిచేయాలనుకుంటున్నా." అని ప్రశాంత్ నీల్ వెల్లడించారు. 'ఎన్టీఆర్​31'ను మైత్రీ మూవీ మేకర్స్, నందమూరి తారక రామారావు ఆర్ట్స్​ సంయుక్తంగా నిర్మిస్తున్నాయి. ఈ సినిమాలో తారక్​ సరసన దీపిక పదుకొణె హీరోయిన్​గా నటించే అవకాశం ఉన్నట్లు తెలుస్తోంది.

దీపిక

ఇదీ చూడండి:కేజీఎఫ్-ఆర్సీబీ దోస్తీ.. ఇక రచ్చ రచ్చే.. థియేటర్స్ బద్దలే