ప్రభాస్, జక్కన్న ఫన్నీ ఆర్గ్యుమెంట్- 'ఛత్రపతి' ఎవరి వల్ల హిట్​ అయ్యిందంటే?

Prabhas Rajamouli Chatrapathi: టాలీవుడ్ స్టార్ హీరో ప్రభాస్- డైరెక్టర్ రాజమాళి ఫన్నీ ఆర్గ్యుమెంట్ వీడియో ఒకటి వైరలవుతోంది. 'ఛత్రపతి' సినిమా ప్రమోషన్స్​ సమయంలోని ఈ వీడియో ప్రస్తుతం నెటిజన్లను ఆకట్టుకుంటోంది.

Prabhas Rajamouli Chatrapathi:పాన్ఇండియా స్టార్ ప్రభాస్- దర్శకధీరుడు రాజమౌళి బాండింగ్ గురించి ఇండస్ట్రీ అంతా తెలిసిందే. వీరిద్దిరి కాంబినేషన్​లో తెరకెక్కిన ఛత్రపతి, బాహుబలి-1, బాహుహలి- 2 సినిమాలు బాక్సాఫీస్ హిట్​లుగా నిలిచాయి. ప్రభాస్ సినిమా ఏదైనా రాజమౌళి ప్రమోషన్స్​లో పాల్గొని వారి ఫ్రెండ్​షిర్ చాటుకుంటారు. రీసెంట్​ బ్లాక్​బస్టర్ 'సలార్' ఏకైక ప్రమోషన్ (ఇంటర్వ్యూ)లో కూడా రాజమౌళి ఉన్నారు.

ఈ నేపథ్యంలో వీరు ఒకరినొకరు పొగుడుకున్న వీడియో ఒకటి సోషల్ మీడియాలో వైరలవుతోంది. అయితే ఈ వీడియో ఇప్పటిది కాదు. ఛత్రపతి సినిమా ప్రమోషన్స్​కు సంబంధించింది. వీరిద్దరూ నువ్వు గ్రేట్ అంటే నువ్వే గ్రేట్ అంటూ నవ్వులు పూయించారు. వీడియోలో రాజమౌళి, ప్రభాస్​కు మధ్యలో ప్రొడ్యూసర్ బీవీఎస్​ఎన్ ప్రసాద్ కూర్చున్నారు. ఆయనతో 'సినిమాలో నువ్వు ఉన్నావ్. కాబట్టే ఛత్రపతి హిట్​ అయ్యింది' అని రాజమాళి అన్నారు. వెంటనే 'నేను ఉండడం కాదు. మీరు గ్రేట్ సర్. మీ వల్లే ఛత్రపతి హిట్ అయ్యింది' అని ప్రభాస్ అన్నారు. కొద్దిసేపటికే, ఛత్రపతి సినిమా నావల్లే అంటే నా వల్లనే హిట్ అయ్యిందని ప్రభాస్, రాజమౌళి సపరేట్​గా మూవీటీమ్​ దగ్గరకు వెళ్లి అనడం నవ్వులు పూయిస్తోంది. దీంతో 'మీ ఇద్దరి బాండింగ్ సూపర్', 'అప్పట్లోనే ప్రమోషన్స్ బాగా చేసేవారు' అని నెటిజన్లు కామెంట్ చేస్తున్నారు.

Salaar Box Office Collection: ప్రభాస్ భారీ యాక్షన్ ఫిల్మ్ సలార్ రెండో వారంలోకి ఎంటర్ అయ్యింది. తొలి వారంలో రికార్డు స్థాయిలో కలెక్షన్లు వసూల్ చేసిన సలార్, ఈ వారంలోనూ అదే జోరును ప్రదర్శిస్తోంది. ఇప్పటికే వరల్డ్​వైడ్​గా రూ.500 కోట్లు దాటింది. అటు ఓవర్సీస్​లోనూ చరిత్ర సృష్టిస్తోంది. నార్త్ అమెరికాలో ఇప్పటివరకు సలార్ 7.5 మిలియన్ డాలర్లు వసూల్ చేసినట్టు చిత్రబృందం తెలిపింది. ఇక ప్రశాంత్ నీల్ తెరకెక్కించిన ఈ సినిమా హోంబలే ఫిల్మ్స్ బ్యానర్​పై రూపొందింది. సినిమాలో ప్రముఖ నటుడు పృథ్విరాజ్, శ్రుతిహాసన్, జగపతిబాబు, శ్రియా రెడ్డి తదితరులు కీలక పాత్రల్లో నటించారు.