కేజీఎఫ్ డైరెక్టర్ ప్రశాంత్ నీల్- రెబల్స్టార్ ప్రభాస్ కాంబినేషన్లో వస్తున్న 'సలార్' సినిమా కోసం దేశవ్యాప్తంగా ఉన్న 'డార్లింగ్' అభిమానులు ఎదురుచూస్తున్నారు. అయితే ఈ సినిమాను ప్రకటించి.. చాలా కాలం అయినా.. ఇప్పటి వరకు ఎలాంటి అప్డేట్ రాలేదు. అయితే తాజాగా సినిమా రెండో షెడ్యూల్ షూటింగ్ ప్రారంభమైంది. అయితే షూటింగ్ మొదలైన తొలిరోజు ప్రభాస్ సెట్లోకి అడుగ పెట్టగా.. ఆ పిక్స్ లీక్ అయ్యాయి.
'సలార్' షూటింగ్లో ప్రభాస్ పిక్స్ లీక్.. కంగారులో యూనిట్! - prabhas new movie
'సలార్' సినిమాకు సంబంధించిన ఓ వార్త సోషల్ మీడియాలో చక్కర్లు కొడుతోంది. షూటింగ్లో ప్రభాస్ పిక్స్ లీక్ అయినట్లు కొన్ని ఫొటోలు వైరల్ అవుతున్నాయి.
సలార్
ప్రభాస్ ఓ అమ్మాయితో మాట్లాడుతున్న ఫొటో, కుర్చీలో కూర్చున్న ఫొటో, సెట్ కు సంబంధించిన మరో ఫొటో లీక్ అయ్యాయి. దీంతో చిత్ర యూనిట్ కంగారు పడుతున్నట్లు సమాచారం. అయితే ఇది ఎవరి పని అనే దానిపై యూనిట్ సభ్యులు ఆరా తీస్తున్నట్లు తెలుస్తోంది. ఈ సినిమాలో శృతి హాసన్, జగపతి బాబు, పృథ్విరాజ్ సుకుమారన్, ఈశ్వరీరావు తదితరులు కీలక పాత్రలను పోషిస్తున్నారు. 'కేజీఎఫ్'ను నిర్మించిన హంబాలే ఫిల్మ్స్ ఈ చిత్రాన్ని కూడా నిర్మిస్తోంది.
ఇదీ చదవండి: దీపిక అస్సలు తగ్గట్లేదుగా.. కేన్స్లో మరోసారి గ్లామర్ షో