Prabhas Kalki Movie Release Date : పాన్ ఇండియా రెబల్ స్టార్ ప్రభాస్ నుంచి మాత్రమే కాకుండా ఇండియన్ సినిమా నుంచి కూడా నెక్స్ట్ రాబోతున్న బిగ్ సినిమా ఏదన్నా ఉంది అంటే అది 'కల్కి 2898 AD'. భారీ అంచనాలు ఉన్న ఈ సైన్స్ ఫిక్షన్ మాసివ్ ప్రాజెక్ట్ తెలుగు సినిమాతో పాటు ఇండియన్ సినిమా స్టాండర్డ్స్ను ప్రపంచస్థాయిలో నిలుపుతుందని సినీ ప్రియులంతా ఎంతో నమ్మకంగా ఉన్నారు.
అయితే ఈ భారీ చిత్రం రిలీజ్ డేట్ గురించి గత కొన్ని రోజులగా ఓ సాలిడ్ బజ్ వైరల్ అవుతున్న సంగతి తెలిసిందే. ఈ ఏడాది మే 9న(Kalki Release Update) సినిమాను రిలీజ్ చేయనున్నట్లుగా టాక్ వచ్చింది. అయితే ఇప్పుడు అనుకున్నట్టుగానే అఫీషియల్ క్లారిటీ వచ్చేసింది. ఈ మే 9నే కల్కి చిత్రాన్ని విడుదల చేస్తున్నట్టుగా మేకర్స్ కన్ఫర్మ్ చేశారు. నేడు థియేటర్లలో రిలీజైన సినిమాలతో పాటు అఫీషియల్గా ఈ విడుదల తేదీని అనౌన్స్ చేశారు.
దీంతో ఈ మోస్ట్ అవైటెడ్ మూవీ రిలీజ్ డేట్ తెలుసుకుంటున్న ప్రభాస్ అభిమానులు - సినిమాను బిగ్ స్క్రీన్స్ మీద ఎక్స్పీరియెన్స్ చేసేందుకు రెడీగా ఉన్నట్లు కామెంట్ల రూపంలో హర్షం వ్యక్తం చేస్తున్నారు. ఇకపోతే ఈ చిత్రానికి సంతోష్ నారాయణన్ సంగీతం అందిస్తున్నారు. అలాగే సినిమాలో ఎంతోమంది ఇతర భాషలకు చెందిన అగ్ర నటీనటులు ఉన్నారు. యూనివర్సల్ స్టార్ కమల్ హాసన్, బిగ్ బీ అమితాబ్ బచ్చన్ లాంటి దిగ్గజ నటులు కీలక పాత్రలు పోషిస్తున్నారు. బాలీవుడ్ హాట్ బ్యూటీస్ దిశా పటానీ, దీపికా పదుకొణె హీరోయిన్లుగా నటిస్తున్నారు. మహానటి తర్వాత నాగ్ అశ్విన్ దర్శకత్వం వహిస్తున్న చిత్రమిది. వైజయంతి మూవీస్ భారీ బడ్జెట్తో సినిమాను నిర్మిస్తోంది. మూవీ షూటింగ్ ప్రస్తుతం చివరి దశకు చేరుకుంది. ఇక ఆ మధ్యలో కామికాన్‌ వేదికగా విడుదల చేసిన 'కల్కి' ఫస్ట్‌ గ్లింప్స్‌నకు(Kalki Glimpse) విశేష ఆదరణ లభించిన సంగతి తెలిసిందే.
రివ్యూ : గుంటూరు కారం - ఆ రెండే హైలైట్స్ - సినిమా ఘాటుగా ఉన్నట్టేనా?
రివ్యూ : 'హనుమాన్' విశ్వరూపం - గూస్బంప్స్ గ్యారంటీ
