Prabhas Birthday Celebrations :రెబల్ స్టార్ ప్రభాస్ప్రస్తుతం 'సలార్', 'కల్కి' సినిమా షూటింగుల్లో బిజీగా గడుపుతున్నారు. 'బాహుబలి' సినిమా తర్వాత ప్రభాస్ పాన్ ఇండియా స్టార్గా ఎదిగిపోయిన విషయం తెలిసిందే. ఈ సినిమాకు భారత్లోనే కాకుండా అంతర్జాతీయ స్థాయిలో క్రేజ్ వచ్చింది. దీంతో ఆయనకు ఫ్యాన్ ఫాలోయింగ్ సైతం విపరీతంగా పెరిగింది. ఇక అక్టోబర్ 23 సోమవారం ప్రభాస్ తన 44 పుట్టినరోజును జరుపుకోనున్నారు. ఈ క్రమంలో జపాన్లో ఉన్న ఆయన ఫ్యాన్స్.. బర్త్డే సెలబ్రేషన్స్ను గ్రాండ్గా నిర్వహించేందుకు ప్లాన్ చేస్తున్నారు. దీనికి సంబంధించిన ఫొటోలు వీడియోలు కూడా నెట్టింట తెగ వైరల్ అవుతున్నాయి.
మరోవైపు రెండు తెలుగు రాష్ట్రాల్లో ప్రభాస్ బర్త్డే సంబరాలు ఘనంగా జరగనున్నట్లు తెలుస్తోంది. ఈ క్రమంలో హైదరాబాద్లోని ప్రభాస్ ఫ్యాన్స్.. ఈ పుట్టినరోజును మరింత స్పెషల్గా చేయనున్నారు. నగరంలోని కూకట్పల్లి ఏరియాలో ప్రభాస్ పుట్టినరోజును పురస్కరించుకొని.. అభిమానులు ఓ భారీ కటౌట్ ఏర్పాటు చేయనున్నారు. ఇది దేశంలో అతిపెద్ద కటౌట్గా నిర్మాణం కానున్నట్లు తెలుస్తోంది. సమయం తక్కువగా ఉండటం వల్ల.. కటౌట్కు సంబంధించిన పనులు చకచకా జరుగుతున్నాయి. కటౌట్ నిర్మాణ పనుల ఫొటోలు, వీడియోలు సోషల్ మీడియాలో వైరల్గా మారాయి. దీంతో ప్రభాస్ ఫ్యాన్స్ తెగ సంబరపడిపోతున్నారు.
ఓపెనింగ్ ఎప్పుడంటే.. అక్టోబర్ 23 సోమవారం ఉదయానికి కటౌట్ పనులు పూర్తి చేసి ఆవిష్కరణకు సిద్ధం చేయనున్నారు. ఉదయం 11 గంటలకు కటౌట్ ఆవిష్కరణ ఉండనున్నట్లు తెలుస్తోంది. ఈ కార్యక్రమానికి పెద్ద ఎత్తున ప్రభాస్ ఫ్యాన్స్ హాజరుకానున్నారని సమాచారం.