Adipurush US Tickets : మైథలాజికల్ మూవీ 'ఆదిపురుష్' ప్రీ రిలీజ్ ఈవెంట్కు సర్వం సిద్ధమౌతోంది. తిరుపతి వేదికగా ఈ నెల 6న గ్రాండ్ ఈవెంట్ జరగనుంది. ఈ నేపథ్యంలో మేకర్స్ ప్రమోషన్స్ను వేగవంతం చేస్తున్నారు. జూన్ 16 ప్రపంచ వ్యాప్తంగా త్రీడీ, ఐమాక్స్ ఫార్మాట్స్లో ఐదు భాషల్లో రిలీజౌతున్న తరుణంలో ఓవర్సీస్లోని థియేటర్లు సైతం ప్రీ రిలీజ్ బిజినెస్ విపరీతంగా జరుగుతోంది. ఇక యూఎస్లో ఈ సినిమా కోసం దాదాపు 112 లొకేషన్లలో 280 ప్రీమియర్ షోలు పడనున్నాయి. 3డీలో 47లు షోలు, 2డీలో 233 షోలు వేయనున్నారట. ఇప్పటికే టికెట్లు కూడా శరవేగంగా అమ్ముడుపోతున్నాయని తెలుస్తోంది.
యూఎస్ఏలో 'ఆదిపురుష్' క్రేజ్.. జోరుగా అమ్ముడుపోతున్న టికెట్లు!
మైథలాజికవ్ మూవీ ఆదిపురుష్ త్వరలో థియేటర్లలో రిలీజై ప్రేక్షకుల ముందుకు రానుంది. ఇప్పటికే థియేట్రికల్ రైట్స్ కొనేసిన డిస్ట్రిబ్యూటర్స్.. ప్రపంచ వ్యాప్తంగా ఈ సినిమా రిలీజ్ చేసేందుకు సన్నాహాలు చేస్తున్నారు. ఈ క్రమంలో యూఎస్లో ప్రీమియర్ షోస్ టికెట్లు జోరుగా అమ్ముడుపోతున్నాయి. ఆ వివరాలు..
Adipurush
Adipurush Pre Release Event: ఇక జూన్ 6న జరగనున్న ప్రీ రిలీజ్ ఈవెంట్లో అభిమానులకు మరో సర్ప్రైజ్ ఇవ్వనుంది మూవీ టీమ్. సినిమాకు సంబంధించిన సెకెండ్ ట్రైలర్ను విడుదల చేసేందుకు సన్నాహాలు చేస్తోందని టాక్. దాదాపు 2 నిమిషాల 27 సెకెండ్స్ పాటు సాగే ఈ ట్రైలర్ను ఆ రోజు విడుదల చేసేందుకు రెడీగా ఉన్నారట. దీంతో అభిమానులు సైతం ఆ ట్రైలర్ చూసేందుకు ఎంతగానో ఎదురుచూస్తున్నారు. ఇక తాజాగా దర్శకుడు ఓం రౌత్ సైతం ఈ చిత్రంలోని హనుమంతుడి పాత్రధారి దేవదత్తా నాగేకు సంబంధించిన కొత్త పోస్టర్ను ఐదు భాషల్లో ట్విట్టర్ వేదికగా రిలీజ్ చేశారు.
ఇక సినిమా విషయానికి వస్తే.. ప్రముఖ నిర్మాణ సంస్థలైన టీ సిరీస్, రెట్రో ఫైల్స్ బ్యానర్పై భూషణ్ కుమార్ ఈ సినిమాను పాన్ ఇండియా లెవెల్లో నిర్మించారు. ఇందులో రాఘవగా ప్రభాస్.. జానకిగా కృతి శెట్టి.. లక్ష్మణుడి పాత్రలో సన్నీ సింగ్, హనుమంతుని పాత్రలో దేవదత్త నగే నటిస్తున్నారు. లంకేశునిగా సైఫ్ అలీఖాన్ కనిపించారు. గతేడాది రిలీజైన టీజర్కు అభిమానుల్లో మిశ్రమ స్పందన లభించింది. దీంతో నెట్టింట తీవ్ర విమర్శలు సైతం ఎదుర్కొంది. ఇక తమ తప్పులను దృష్టిలో ఉంచుకున్న మూవీ టీమ్.. గ్రాఫిక్స్ను మెరుగుపరిచి తుది మెరుగులు దిద్దింది. అలా రిలీజైన ట్రైలర్, ఫస్ట్ సెకెండ్ సాంగ్స్తో పాటు క్యారెక్టర్ల పోస్టర్లు సైతం అభిమానుల చేత ప్రశంసలు అందుకుంటోంది. అన్నీ చాలా బాగున్నాయని అభిమానులు ఆనందం వ్యక్తం చేస్తున్నారు.
Last Updated : Jun 3, 2023, 1:03 PM IST