Adipurush Day 1 Collection : టాలీవుడ్ స్టార్ ప్రభాస్ రాఘవుడిగా తెరకెక్కిన మైథలాజికల్ మూవీ 'ఆదిపురుష్'. కృతి సనన్, దేవదత్త నాగే, సైఫ్ అలీఖాన్ కీలక పాత్రలు పోషించిన ఈ సినిమా జూన్ 16న భారత్తో సహా ఓవర్సీస్లోనూ రిలీజైంది. భారీ అంచనాల నడుమ ప్రపంచవ్యాప్తంగా దాదాపు 7,500 స్క్రీన్లలో రిలీజైన ఈ సినిమా ప్రస్తుతం మంచి టాక్ అందుకుంటోంది. బాక్సాఫీస్ వద్ద మంచి ఓపెనింగ్స్ను అందుకుంది. తొలి రోజు సుమారు రూ. 140 కోట్ల మార్క్‌ను అందుకుంది. ఈ విషయాన్ని సినిమా నిర్మాణ సంస్థ టీ సిరిస్ అఫీషియల్గా అనౌన్స్ చేసింది.
మరి కొన్ని లెక్కల ప్రకారం ఈ సినిమా నైజాంలో రూ.50 కోట్లు, సీడెడ్లో రూ17.5 కోట్లు, వైజాగ్లో రూ.12.5 కోట్లు, వెస్ట్- రూ.7 కోట్లు, ఈస్ట్- రూ.8 కోట్లు, కృష్ణా- రూ.7.5 కోట్లు, గుంటూరు- రూ.9 కోట్లు, నెల్లూరు- రూ. 4 కోట్ల కలెక్షన్లు రాబట్టినట్లు సమాచారం. వీకెండ్స్లో ఈ కలెక్షన్స్ మరింత ఊపందుకునే అవకాశాలు ఉన్నాయట. శనివారం, ఆదివారం ఈ కలెక్షన్స్ రూ. 250 కోట్లకు కూడా చేరవచ్చని ట్రేడ్‌ వర్గాలు అంచనా. అయితే ఇప్పటి వరకు ప్రభాస్ గత చిత్రాలు బాహుబలి 2, సాహో మాత్రమే రూ. 100 కోట్లు వసూలు చేశాయి. దీంతో తాజాగా విడుదలైన 'ఆదిపురుష్' ఇప్పుడు ఆ కలెక్షన్స్ను దాటడం పక్కా అంటూ అభిమానులు ఆశిస్తున్నారు. ప్రస్తుతం హిందీలో పఠాన్ తర్వాత అత్యధిక వసూళ్లు రాబట్టిన చిత్రంగా 'ఆదిపురుష్' నిలిచింది.