Prabhas About Salaar Movie : రెబల్ స్టార్ ప్రభాస్ 'సలార్'తో ప్రేక్షకుల ముందుకు వస్తున్నారు. 'కేజీఎఫ్' ఫేమ్ ప్రశాంత్ నీల్ తెరకెక్కించిన ఈ సినిమా డిసెంబర్‌ 22న ఈ చిత్రం ప్రేక్షకుల ముందుకు రానుంది. ఈ నేపథ్యంలో సినిమా టీమ్ ప్రమోషన్లలో బిజీ అయిపోయింది. ఈ సందర్భంగా ఆంగ్ల మీడియాలో ఇంటర్వ్యూలో మాట్లాడిన ప్రభాస్ సినిమా గురించి ఆసక్తికర వ్యాఖ్యలు చేశారు. 'సలార్'లో పాత్రల మధ్య లోతైన భావోద్వేగాలుంటాయన్న ప్రభాస్, ప్రశాంత్ నీల్తో కలిసి పనిచేయడంపై తన అనుభూతిని పంచుకున్నారు.
Salaar Promotions : 'ఈ చిత్రంలో పాత్రల మధ్య లోతైన భావోద్వేగాలుంటాయి. ప్రేక్షకులు మొదటిసారి నన్ను ఇలాంటి రోల్లో చూడబోతున్నారు. ప్రశాంత్ నీల్ డైరెక్షన్లో నేను చేసిన మొదటి సినిమా ఇంది. నా ఐడియాలను కొన్నింటిని ప్రశాంత్ నీల్తో పంచుకున్నా. వాటిని తెరపై ఎలా చూపించాలో ఆయన చెప్పారు. మూవీ కోసం బాడీ లాంగ్వేజ్‌ విషయంలోనూ కొన్ని ఆలోచనలు షేర్‌ చేశాను. వాటిలో కొన్ని డైరెక్టర్కు నచ్చాయి. కీలక సీన్లకు ముందు మేమిద్దరం మాట్లాడుకునే వాళ్లం. నా 21 ఏళ్ల కెరీర్లో నేను చూసిన బెస్ట్‌ దర్శకుడు ప్రశాంత్ నీల్. 'సలార్' షూట్‌కు ఎప్పుడు పిలుస్తారా అని ఆసక్తిగా ఎదురుచూశా. సెట్‌కు వెళ్లి నటించడం కంటే ముందు ప్రశాంత్‌నీల్‌తో సమయం గడపాలనిపించేది. నా సినీ కెరీల్లో ఎప్పుడూ ఇలా అనుకోలేదు. ఆరు నెలలు తన ఫోన్‌ కోసం ఎదురు చూశాను. చిత్రీకరణ మొదలయ్యాక ఒక నెలలోనే మేము చాలా మంచి ఫ్రెండ్స్ అయ్యాం'' అని రెబల్ స్టార్ తన అనుభవాన్ని పంచుకున్నారు.