Bro Twitter Review : పవర్ స్టార్ పవన్ కల్యాణ్, సుప్రీం హీరో సాయిధరమ్ తేజ్ కాంబోలో తెరకెక్కిన చిత్రం 'బ్రో'. భారీ అంచనాల నడుమ విడుదలైన ఈ సినిమా శుక్రవారం అటు ఇండియాతో పాటు ఇటు ఓవర్సీస్ థియేటర్లలో సందడి చేస్తోంది. మామా అల్లుళ్ల కాంబినేషన్లో వచ్చిన ఈ సినిమా గురించి అటు మెగా ఫ్యాన్స్తో పాటు ఇటు మూవీ లవర్స్ తెగ ఎదురు చూశారు. ఈ క్రమంలో ఇప్పటికే ప్రీమియర్ షోస్కు వెళ్లిన ఫ్యాన్స్ ట్విట్టర్ వేదికగా తమ అభిప్రాయాలను తెలియజేస్తున్నారు.
ఇక ఈ సినిమాకు నెట్టింట మంచి టాక్ వినిపిస్తోంది. స్టోరీ లైన్‌ చాలా ఆసక్తికరంగా ఉందని ఒక నెటిజన్ అభిప్రాయపడగా.. ఫ్యాన్ మూమెంట్స్ చాలానే ఉన్నాయని మరొకరు కామెంట్ చేశారు. ఇందులో ఎమోషన్స్కు ప్రాముఖ్యత ఉందని.. బ్యాక్గ్రౌండ్‌ స్కోర్‌ సినిమాకి ప్రాణమని మరికొందరు అంటున్నారు. ఓ వైపు ఫ్యాన్స్ని అలరించే సీన్లు సాగుతూనే మరోవైపు డివోషనల్‌ టచ్‌ ఉందంటూ అభిప్రాయపడుతున్నారు. ఈ రెండింటిని ఈ సినిమాలో బ్యాలెన్స్ చేసినట్టు చెబుతున్నారు. ఇక సినిమాకు తమన్ బీజీఎం హైలైట్ అని టాక్. డైలాగులు, స్క్రీన్‌ ప్లే కూడా బాగున్నాయని అంటున్నారు.