దర్శకుడు మణిరత్నం ప్రతిష్టాత్మకంగా రూపొందించిన బహు భాషా చిత్రం 'పొన్నియిన్‌ సెల్వన్' మొదటి భాగం సెప్టెంబరు 30న ప్రపంచవ్యాప్తంగా ప్రేక్షకుల ముందుకొచ్చింది. హిట్ టాక్ అందుకుంటోన్న ఈ సినిమాకు తమిళ రచయిత కల్కి కృష్ణమూర్తి రచించిన 'పొన్నియిన్‌ సెల్వన్' అనే నవల మాతృక. చోళుల కథ ఆధారంగా రూపొందించిన ఈ సినిమాలో విక్రమ్‌, కార్తీ, ఐశ్వర్యారాయ్‌, త్రిష.. వంటి ప్రముఖ నటీనటులు ముఖ్య పాత్రలు పోషించారు. ఏఆర్ రెహమాన్ సంగీతం అందించారు.
అయితే ఈ సినిమా రెండు రోజుల్లో మంచి వసూళ్లను అందుకున్నట్లు తెలిసింది. రెండు రోజుల్లో ప్రపంచవ్యాప్తంగా రూ.100కోట్లకు పైగా సాధించిందని సినీ విశ్లేషకుడు మనోబాలా విజయబాలన్ సోషల్మీడియాలో పోస్ట్ చేశారు.