Pawankalyan Saitej Bro movie : పవర్ స్టార్ పవన్ కల్యాణ్ - మెగా హీరో సాయితేజ్ కలిసి నటించిన మల్టీస్టారర్ సినిమా 'బ్రో' రిలీజ్కు రెడీ అయింది. మరో 20 రోజుల్లో ప్రేక్షకుల ముందుకు రానుంది. అయితే ఇలాంటి సమయంలో మూవీటీమ్ ప్రమోషన్స్ విషయంలో కాస్త స్లోగా ఉన్నట్లు అంటున్నారు. అలాగే భారీ స్థాయిలో బజ్ కూడా క్రియేట్ అవ్వలేదని ప్రచారం సాగుతోంది. నిజానికి పవన్ సినిమా అంటే రిలీజ్కు నెల రోజుల ముందు నుంచే సందడి వాతావరణం కనిపిస్తుంటుంది. పవన్కు సంబంధించిన సాంగ్స్, టీజర్స్తో అభిమానులు సోషల్ మీడియాను హోరెత్తిస్తుంటారు. కానీ ఇప్పుడు 'బ్రో' సినిమా విషయంలో ఆ హడావుడి కాస్త తక్కువగా కనిపిస్తోంది.
ఈ సినిమా కోసం 20 నుంచి 25 రోజల డేట్స్ ఇచ్చి తన పార్ట్ షూట్ను చాలా వేగంగా పూర్తి చేశారు పవన్. మేకర్స్ కూడా అంతే వేగంగా మొత్తం సినిమా చిత్రీకరణను కంప్లీట్ చేశారు. అయితే ఇప్పుడా ఆ స్పీడ్ కనపడట్లేదు. విడుదల ఇంకా 20 రోజుల సమయమే ఉంది. కానీ ప్రమోషన్స్లో జోరు కనిపించట్లేదు. ఇప్పటివరకు టీజర్తో పాటు ఓ సాంగ్ మాత్రమే రిలీజ్ చేశారు. అలాగే పవన్ - సాయికు సంబంధించిన డబ్బింగ్ వర్క్ కూడా ఇంకా పెండింగ్లోనే ఉందని సమాచారం అందింది. ప్రస్తుతం పవన్ ఏపీ రాజకీయాలంటూ వారాహి విజయ యాత్రలో ఖాళీ లేకుండా వరుస షెడ్యూల్స్తో బిజీగా ఉంటున్నారు. ఇలాంటి సమయంలో డబ్బింగ్ వర్క్ అంత త్వరగా పూర్తి అవ్వడం కష్టమే. మరో వారం అయినా ఈజీగా పడుతుంది.
ఇకపోతే ప్రీ రిలీజ్ ఈవెంట్కు సంబంధించి ఎటువంటి సమాచారం బయటకు రాలేదు. ఎక్కడ, ఎప్పుడు నిర్వహిస్తారనేది ఎటువంటి సమాచారం కూడా తెలియలేదు. మరోవైపు ఓవర్సీస్ బయర్స్ ఈ చిత్రాన్ని భారీ ధరకు కొనుగోలు చేసేందుకు ఎక్కువగా ఆసక్తి చూపనట్లు తెలిసింది. ప్రొడక్షన్ హౌస్ పీపుల్స్ మీడియా ఫ్యాక్టరీ చెప్పిన ధరకు అక్కడి వారు కొనుగోలు చేసేందుకు ముందుకు రావట్లేదట. దీంతో పీపుల్స్ మీడియా ఫ్యాక్టరీ ఓవర్సీస్లో సొంతంగా రిలీజ్ చేసేందుకు సన్నాహాలు చేసుకుంటుందట. కాబట్టి అన్ని విషయాలను పరిగణలోకి తీసుకుని సినిమాకు సంబంధించిన సీజీ వర్క్, పోస్ట్ ప్రొడక్షన్ వర్క్ వీలైనంత త్వరగా పూర్తి చేయాల్సిన అవసరం చాలా ఉంది. ప్రమోషన్స్లోనూ మరింత వేగం పెంచి ఆడియెన్స్లో భారీ బజ్ క్రియేట్ చేయాలి. మరి మిగిలి ఉన్న ఈ 20 రోజుల్లో ప్రమోషన్స్ ఎలా చేస్తారో వేచి చూడాలి...