పవర్స్టార్ పవన్ కల్యాణ్.. హిట్టు, ఫ్లాప్తో సంబంధం లేకుండా ఆకాశాన్నంటే అభిమానాన్ని సొంతం చేసుకున్నారు. ఆయన పేరు వింటే చాలు అభిమానుల్లో పూనకాలే. ఆనందంతో గెంతులేస్తారు. ఆయన తెరపై కనిపడితే థియేటర్ దద్దరిల్లేలా గోల పెడతారు. అలాంటిది పవన్ సినిమా వస్తుందంటే చాలా ఫ్యాన్స్ ఆనందానికి అవధులు ఉండవు.
అయితే గత కొంతకాలంగా పవన్ కల్యాణ్ రెండు పడవల మీద ప్రయాణం చేస్తున్న సంగతి తెలిసిందే. ఓవైపు రాజకీయాల్లో బిజీగా ఉంటూనే.. మరోవైపు సినిమాల్లో నటిస్తూ బిజీగా ఉంటున్నారు. ముఖ్యంగా సినిమాల్లో దూకుడు ప్రదర్శిస్తూ వరుస సినిమాలకు గ్రీన్ ఇస్తూ కెరీర్లో ముందుకెళ్తున్నారు. ఈ క్రమంలోనే ఎక్కువ రీమేక్ చిత్రాలకు ఓకే చెబుతూ.. షూటింగ్లలో పాల్గొంటున్నారు. తాజాగా ఆయన సాహో ఫేమ్ దర్శకుడు సుజిత్ డైరెక్షన్లో ఓ భారీ యాక్షన్ ఎంటర్టైనర్ సినిమాకు ఓకే చెప్పారు. ఓజీ(ఒరిజినల్ గ్యాంగ్ స్టర్) టైటిల్తో రూపొందుతున్న ఈ సినిమాకు ప్రస్తుతం షూటింగ్ జరుపుకుంటోంది. తాజాగా ఈ సినిమాకు సంబంధించి ఓ లేటెస్ట్ అప్డేట్ వచ్చింది.
ముంబయి మాఫియా బ్యాక్ డ్రాప్లో రూపొందుతున్న ఈ చిత్రాన్ని 2025 సంక్రాంతికి విడుదల చేయబోతున్నట్లు కథనాలు వస్తున్నాయి. దీంతో అభిమానులు నిరాశ వ్యక్తం చేస్తున్నారు. వచ్చే ఏడాది సంక్రాంతి అయితే ఓకే కానీ.. మరీ 2025 సంక్రాంతి అంటే చాలా ఆలస్యమని.. రెండేళ్లు ఆగలేమని అభిమానులు అంటున్నారు. ఇప్పటికే క్రిష్ దర్శకత్వంలో రూపొందుతున్న హరిహర వీరమల్లు కోసం రెండేళ్లుగా వెయిట్ చేయలేకపోతున్నామని.. ఇప్పుడు మళ్లీ ఓజీ కోసం కూడా మరో రెండేళ్లు ఎదురుచూడాలా అని తమ బాధను వ్యక్తం చేస్తూ కామెంట్లు చేస్తున్నారు.