Pawan Kalyan OG Movie : పవర్ స్టార్ పవన్ కళ్యాణ్ నటిస్తున్న సినిమాల్లో 'OG' ఒకటి. 'ఒరిజినల్ గ్యాంగ్స్టర్' ఉపశీర్షిక. సాహో ఫేమ్ సుజిత్ ఈ సినిమాకు దర్శకత్వం వహిస్తున్నారు. ఈ మూవీ రెగ్యులర్ షూటింగ్ కొంతకాలంగా ముంబయిలో జరుగుతోంది. ఇప్పటికే అక్కడ పవన్కల్యాణ్తో పాటు మరికొందరిపై కీలక సన్నివేశాలను తెరకెక్కించారు. అయితే తాజాగా ఈ సినిమాలో హీరోగా నటించే పవన్ కల్యాణ్ రెమ్యునరేషన్ గురించి ఓ షాకింగ్ న్యూస్ బయటకు వచ్చింది.
Pawan Kalyan Remuneration : అదేంటంటే.. పవన్ కల్యాణ్ రీఎంట్రీ తర్వాత సినిమాల విషయంలో జోరు పెంచిన సంగతి తెలిసిందే. ఆయన చిత్రాలు కంటెంట్తో సంబంధం లేకండా కేవలం ఫ్యాన్ బేస్ పైనే బాక్సాఫీస్ మంచి వసూళ్లను అందుకుంటున్నాయి. సూపర్ హిట్గా నిలుస్తున్నాయి. దీంతో పవన్తో సినిమాలు చేసేందుకు దర్శకనిర్మాతలు క్యూ కడుతున్నారు. రెమ్యునరేషన్ కూడా భారీగా ఇస్తున్నారని తెలిసింది. అలా రీఎంట్రీలో ఆయన దాదాపు అత్యధికంగా రూ.40 కోట్ల నుంచి రూ.50 కోట్ల వరకు తీసుకున్నారని టాక్ నడిచింది. ఈ క్రమంలోనే ఆయన రీసెంట్గా ఒప్పుకున్న 'ఓజీ' సినిమాకు ఏకంగా రూ.75కోట్లు అందుకోబోతున్నారని ప్రచారం సాగింది. దీంతో టాలీవుడ్లో అత్యధికంగా పారితోషికం తీసుకునే టాలీవుడ్ హీరోల్లో పవన్ కల్యాణ్ జాయిన్ అయిపోయిందని అంతా అనుకున్నారు. అయితే ఇప్పుడు పవన్ రెమ్యునరేషన్ గురించి సోషల్మీడియాలో మరో వార్త హల్ చల్ చేస్తుంది. ఆయన 'OG'కి తీసుకునేది రూ.75కోట్లు కాదని.. రూ.100కోట్ల వరకు తీసుకోబోతున్నారని అని అంటున్నారు. మరి ఇందులో నిజమెంతో తెలియదు కానీ.. ప్రస్తుతం ఈ కొత్త గాసిప్ మాత్రం నెట్టింట్లో చక్కర్లు కొడుతోంది. దీనిపై పలు వైబ్సైట్లు కథనాలు రాస్తున్నాయి.
Pawan Kalyan OG Movie Release Date : కాగా, ఈ సినిమా షూటింగ్లో భాగంగా ఇప్పటికే కీలక సన్నివేశాలను తెరకెక్కించారు. ఇందులో యాక్షన్ సీక్వెన్స్ కూడా ఉందట. అవుట్ ఫుట్ బాగా వచ్చిందట. త్వరలోనే మిగిలిన భాగాన్ని కూడా వీలైనంత త్వరగా పూర్తి చేయాలని మూవీటీమ్ ప్లాన్ చేస్తోందట. ఆర్ఆర్ఆర్ తర్వాత నిర్మాత డీవీవీ దానయ్య దీన్ని నిర్మిస్తున్నారు. సినిమా థియేట్రికల్, నాన్ థియేట్రికల్ రైట్స్కు మంచి ఆఫర్స్ వస్తున్నాయట. ప్రస్తుతం దీనిపై చర్చలు జరుగుతున్నాయని, ఫైనల్ డీల్ ఇంకా జరగలేదని అంటున్నారు. క్రిస్మస్ కానుకగా చిత్రాన్ని రిలీజ్ చేయాలని అనుకుంటున్నారట. ఈసినిమాలో పవన్ మూడు భిన్న వేరియేషన్స్ ఉన్న పాత్రల్లో కనిపించనున్నారని గుసగుసలు వినిపిస్తున్నాయి. ఒకటి టీనేజర్‌, రెండు కాలేజీ స్టూడెంట్‌, మూడు డాన్‌.. ఇలా మూడు వయసు గల పాత్రలలో కనిపించనున్నారట. ఇక ఈ చిత్రానికి ప్రముఖ సినిమాటోగ్రాఫర్ రవి కే చంద్రన్ పని చేస్తున్నారు. ప్రియాంక అరుల్ మోహన్ హీరోయిన్‌గా నటిస్తోంది. ప్రకాశ్ రాజ్ కీలక పాత్ర పోషిస్తున్నారు.