క్రిష్ దర్శకత్వంలో పవన్ కల్యాణ్ నటిస్తున్న చిత్రం హరిహర వీరమల్లు. మెగా సూర్య ప్రొడక్షన్స్ పతాకంపై ఏఎం రత్నం సమర్పణలో నిర్మిస్తున్న ఈ చిత్రం హైదరాబాద్ లోని సారథి స్టూడియోలో చిత్రీకరణ జరుపుకుంటోంది. కళా దర్శకుడు తోట తరణి వేసిన సెట్ లో దర్శకుడు క్రిష్ పవన్ కల్యాణ్ పై పోరాట సన్నివేశాలను చిత్రీకరిస్తున్నారు. ఇటీవలే ప్రముఖ స్టంట్ కొరియోగ్రాఫర్ టోడర్ లాజరోవ్ పర్యవేక్షణలో పవన్ కల్యాణ్ రెండు రోజులపాటు ప్రత్యేకంగా శిక్షణ పొందాడు. సెట్ లో తన బల్లెంతో శత్రువులపై పోరాటం చేస్తున్న దృశ్యాలతో 25 సెకన్లతో కూడిన వీడియోను చిత్ర బృందం విడుదల చేసింది.
ఎన్టీఆర్ అభిమానులు ఫైర్: బంగారం సినిమాతో తెలుగు ప్రేక్షకులకు దగ్గరైంది హీరోయిన్‌ మీరా చోప్రా. ఎక్కువగా మాత్రం యంగ్‌ టైగర్‌ జూనియర్ ఎన్టీఆర్‌ను కించపరిచేలా పెట్టిన ట్వీట్లతో ఆమె మరింత పాపులర్‌ అయింది. రెండేళ్ల క్రితం తారక్‌ను ఉద్దేశిస్తూ పెట్టిన మీరా చోప్రా ట్వీట్లు తెగ వైరల్‌ అయ్యాయి. ఆ ట్వీట్లు చూసిన ఎన్టీఆర్ అభిమానులు మీరాపై ఆగ్రహంతో ఊగిపోయారు. తాజాగా ఈ అమ్మడు పెట్టిన ఒక పోస్ట్ మళ్లీ తారక్ ఫ్యాన్స్ మండిపోయేలా చేసింది.