Pawan kalyan Birthday Wishes Harihara Veeramallu New poster : నేడు(సెప్టెంబర్ 2) పవర్ స్టార్ పవన్ కల్యాణ్ పుట్టిన రోజు. ఈ సందర్భంగా తెలుగు రాష్ట్రాల్లో ఆయన అభిమానులు సంబరాలు చేసుకుంటూ పండగ చేసుకునేందుకు రెడీ అయిపోయారు. అలాగే ఆయన సినిమా అప్డేట్స్ కోసం కూడా ఎంతో ఆసక్తిగా ఎదురుచూస్తున్నారు.
ఈ క్రమంలోనే 'హరిహర వీరమల్లు' మూవీటీమ్ ఆయన ఫ్యాన్స్కు ఓ సర్ప్రైజ్ ఇచ్చింది. పవన్కు సంబంధించి ఓ మోషన్ పోస్టర్ను రిలీజ్ చేసింది. అందులో పవన్.. విలన్లను చితకబాది సీరియస్గా నడుస్తూ వెళ్తున్నట్లు కనిపించారు. ఆయన వెనకాల భారీగా జనం గూమిగుడి ఉన్నారు. బ్యాక్గ్రౌండ్ మ్యూజిక్ అదిరిపోయింది. "ఈ సంతోషకరమైన రోజున అసాధారణమైన ధైర్యం, దయ, కరుణ వంటి గుణాలు కలిగి ఉన్న మా హరిహర వీరమల్లు పుట్టినరోజును సెలబ్రేట్ చేసుకుంటున్నాను. హ్యాపీ బర్త్డే పవన్ కల్యాణ్ గారు" అంటూ రాసుకొచ్చింది.
ఈ చిత్రాన్ని దర్శకుడు క్రిష్ తెరకెక్కిస్తున్నారు. మెగా సూర్య ప్రొడక్షన్స్ బ్యానర్ పై నిర్మాత ఏఎం రత్నం భారీ బడ్జెట్తో నిర్మిస్తున్నారు. పీరియడ్ యాక్షన్ అడ్వెంచర్ ఫిల్మ్గా ఈ సినిమా ప్రేక్షకుల ముందుకు రాబోతుంది. ఈ సినిమా షూటింగ్ ప్రారంభమై దాదాపు రెండేళ్లు దాటేసింది. కానీ ఇప్పటికీ వరకు పూర్తి కాలేదు. ఆలస్యమవుతూనే వస్తోంది. అలానే ఈ సినిమా గురించి చాలా కాలం నుంచి ఎటువంటి అప్డేట్ కూడా రాలేదు. దీంతో అభిమానులు అప్డేట్స్ అడిగి అడిగి విసిపోయారు కూడా.