నేచురల్ స్టార్ నాని కోసం పవర్స్టార్ పవన్కల్యాణ్ రంగంలోకి దిగనున్నారు. నాని నటించిన 'అంటే సుందరానికీ' సినిమా ప్రీ రిలీజ్ ఈవెంట్కు పవన్ ప్రత్యేక అతిథిగా హాజరుకానున్నారు. జూన్ 9న సాయంత్రం 6గంటలకు హైదరాబాద్లోని శిల్పకళా వేదికలో ఈ వేడుక జరగనుంది.
ఈ సినిమాలో నానికి జోడీగా నజ్రియా నజీమ్‌ నటించింది. జూన్ 10న ఈ చిత్రం థియేటర్లలో విడుదల కానుంది. మైత్రీ మూవీ మేకర్స్‌ బ్యానర్‌పై నవీన్‌ యెర్నేని, వై. రవిశంకర్‌లు సంయుక్తంగా నిర్మించిన ఈ సినిమాకు వివేక్‌ ఆత్రేయ దర్శకత్వం వహించారు.
మేజర్కు లైగర్ సలామ్:26/11 ఉగ్రదాడుల్లో పోరాడి ప్రాణాలను అర్పించిన మేజర్ సందీప్ ఉన్నికృష్ణన్ జీవితం ఆధారంగా తెరకెక్కిన చిత్రం 'మేజర్'. శుక్రవారం విడుదలైన ఈ చిత్రం దేశవ్యాప్తంగా ప్రేక్షకుల మన్నన పొందుతోంది. ఈ క్రమంలోనే సినిమా చూసిన హీరో విజయ్ దేవరకొండ.. మేజర్ సందీప్, చిత్రబృందంపై ప్రశంసలు కురిపించారు.
"'మేజర్'.. ప్యాషన్, ప్రేమ, చిత్తశుద్ధితో చేసిన సినిమా. సందీప్ ఉన్నికృష్ణన్.. ఆదర్శప్రాయుడు. మనం ఆయన నుంచి నేర్చుకోవాల్సింది ఎంతో ఉంది. మన హీరో గురించి తెలుసుకోవడానికి ఈ సినిమా కచ్చితంగా చూడాలి. మేజర్ చిత్రబృందానికి శుభాకాంక్షలు. మేజర్ సందీప్ తల్లిదండ్రులకు నా ప్రేమ, గౌరవం తెలియజేస్తున్నా" అని విజయ్ ట్వీట్ చేశారు.
'హ్యాపీ బర్త్డే' టీజర్:ఇంటింటికీ తాగు నీరు, ఉద్యోగం అనే మాటలు అప్పుడప్పుడూ వింటుంటాం. ఇంటింటికీ గన్‌.. దాని వల్ల ఫన్‌ అని ఎప్పుడైనా విన్నారా? ‘గన్‌ బిల్‌’ గురించి మీకు తెలుసా? ఈ ఆసక్తికర ప్రశ్నలన్నింటికీ సమాధానం తెలియాలంటే 'హ్యాపీ బర్త్డే' సినిమా చూడాల్సిందే. లావణ్య త్రిపాఠి ప్రధాన పాత్రలో 'మత్తు వదలరా' ఫేం రితేశ్‌ రానా తెరకెక్కిస్తున్న పాన్‌ ఇండియా చిత్రమిది. ఈ సినిమాని జులై 15న విడుదలచేయనున్న నేపథ్యంలో చిత్ర బృందం ప్రచారాన్ని ప్రారంభించింది. ఈ మేరకు మంగళవారం టీజర్‌ను పంచుకుంది.
30 భాషల్లో 'సుడల్':తమిళంలో 'విక్రమ్ వేదా' లాంటి బ్లాక్బస్టర్ చిత్రాన్ని తెరకెక్కించిన పుష్కర్-గాయత్రి కాంబోలో మరో ఆసక్తికర ప్రాజెక్టు తెరకెక్కుతోంది. తెలుగు సహా దాదాపు 30 భాషల్లో 'సుడల్-ది వోర్టెక్స్' అనే సిరీస్ను రూపొందిస్తోంది ఈ దర్శక ద్వయం. ఖాతిర్, ఐశ్వర్యా రాజేశ్ ప్రధాన పాత్రల్లో నటించిన ఈ సిరీస్ సీజన్ 1.. అమెజాన్ ప్రైమ్ వేదికగా జూన్ 17న ప్రసారంకానుంది.
ఇదీ చూడండి:సూర్యతో నటించబోయే సినిమాలో.. : కమల్ హాసన్ క్రేజీ కామెంట్
