Parineeti Chopra Raghav Chadha Marriage :బాలీవుడ్ క్యూట్ కపుల్ పరిణీతి చోప్రా - రాఘవ్ చద్దా పెళ్లి పీటలెక్కనున్నారు. ఉదయ్పుర్లోని పిచోలా సరస్సు మధ్య ఉన్న అందమైన లీలా ప్యాలెస్ ఈ వివాహానికి వేదిక కానుంది. సెప్టెంబర్ 23న జరగనున్న ఈ పెళ్లికి అన్నీ సిద్ధం అవుతున్నాయి. వివాహ వేడుకల కోసం వధూవరులు రాఘవ్, పరిణీతి ఉదయపుర్కు పయనమయ్యారు. తాజాగా ఈ జంట దిల్లీ విమానాశ్రయంలో కనిపించి సందడి చేశారు. ఇక ఈ జంటతో పాటు వివాహానికి రానున్న అతిథులను ఆహ్వానించేందుకు ఉదయ్పుర్ ఎయిర్పోర్ట్ అందంగా ముస్తాబైంది.
రెండు రిసెప్షన్లు.. పెళ్లిలో అదే హైలైట్..
Raghav Parineeti Wedding Venue : అంగరంగ వైభవంగా జరగనున్న ఈ వేడుకలకు ఇరు కుటుంబాల సన్నిహితులతో పాటు సినీ, రాజకీయ ప్రముఖులు హాజరవ్వనున్నారు. సినీ వర్గాల సమాచారం ప్రకారం సెప్టెంబర్ 23 ఉదయం 10 గంటలకు నుంచి ప్రారంభం కానున్న ఈ వివాహ వేడుకలు పంజాబీ స్టైల్లో జరగనున్నాయి. 24వ తేదీ మధ్యాహ్నం తాజ్ లేక్ ప్యాలెస్‌లో ఈ జంట మూడు ముళ్ల బంధంతో ఒక్కటవ్వనుంది. మధ్యాహ్నం 2 గంటల సమయంలో ప్యాలెస్ నుంచి బారాత్ ప్రారంభవ్వనుంది. దీని కోసం రాఘవ్ ఓ బోట్లో ఎక్కి, ప్యాలెస్లోకి గ్రాండ్ ఎంట్రీ ఇవ్వనున్నారు. వేడుకల్లో ఇది హైలైట్గా నిలవనుందని టాక్. ఆ తర్వాత 3:30 నుంచి ప్రారంభమవ్వమనున్న ఈ పెళ్లి వేడుక.. సాయంత్రం 6:30 గంటల వరకు జరగనుంది. సెప్టెంబర్ 24న గ్రాండ్ రిసెప్షన్ జరగనుంది. ఆ తర్వాత సెప్టెంబర్ 30న మరో రిసెప్షన్ ఉండనుందట.