Oscar Academy Branch Actors Ram charan :మెగా పవర్ స్టార్ రామ్ చరణ్ మరో అరుదైన ఘనత సాధించారు. రీసెంట్గా 'ఆర్ఆర్ఆర్' చిత్రంతో యంగ్ టైగర్ ఎన్టీఆర్ ఆస్కార్ 'యాక్టర్స్ బ్రాంచ్'లో సభ్యత్వం పొందగా.. ఇప్పుడు చరణ్ కూడా ఈ అరుదైన గౌరవాన్ని పొందారు. దీనిని అకాడమీ అధికారులు అధికారికంగా ప్రకటించారు. దీంతో మరోసారి గ్లోబల్ స్టార్ రామ్ చరణ్ పేరు హాట్ టాపిక్గా మారింది. సినీ ప్రియులు, మెగా అభిమానులు ఆయనకు కంగ్రాట్స్ చెబుతూ సోషల్ మీడియా వేదికగా పోస్ట్లు పెడుతున్నారు.
ఇంకా చరణ్తో పాటు హాలీవుడ్ నటులు లషనా లించ్, విక్కీ క్రీప్స్, లూయిస్ కూ టిన్ లోక్, కెకె పామర్, చాంగ్ చెన్ కూడా ఈ ఘనతను అందుకున్నారు. "ఈ అద్భుతమైన నటులను మా యాక్టర్స్ బ్రాంచ్లో ఆహ్వానించడం ఎంతో సంతోషంగా ఉంది. ఎంతో అంకిత భావంతో ఈ నటులు ప్రేక్షకుల హృదయాల్లో శాశ్వత స్థానాన్ని సంపాదించారు. ఎన్నో సినిమాల్లో వారి నటనతో పాత్రలకు ప్రాణంపోశారు. ఎప్పటికీ గుర్తుండిపోయే పాత్రలను మనకు బహుమతిగా అందించారు. వారి కళతో సాధారణ సినిమాతో కూడా ప్రేక్షకులకు అసాధారణ అనుభవాలను అందిస్తున్నారు. భావోద్వేగాలను పంచుతూ ప్రశంసలు అందుకుంటున్నారు " అని ప్రశంసలు కురిపిస్తూ వ్యాఖ్య రాసుకొచ్చారు ఆస్కార్ నిర్వాహకులు.