NTR Cameo role :'ఆర్ఆర్ఆర్' లాంటి బిగ్గెస్ట్ బ్లాక్ బాస్టర్ హిట్ తర్వాత జూనియర్ ఎన్టీఆర్ లైనప్ భారీగా పెరిగిపోయింది. భారీ బడ్జెట్ చిత్రాలను ఒప్పుకున్నారు. అందులో 'వార్ 2' కూడా ఒకటి. ఈ చిత్రంతోనే ఆయన బాలీవుడ్ ఎంట్రీ ఇవ్వబోతున్నారు. ఈ సినిమాలో ఎన్టీఆర్ ప్రతినాయకుడి పాత్ర పోషిస్తున్నారు. వైఆర్ఎఫ్ స్పై యూనివర్స్ బ్యానర్లో ఈ చిత్రం రూపొందుతోంది. అయితే ఈ సినిమా కంటే ముందే ఇదే బ్యానర్లో తెరకెక్కిన సల్మాన్ 'టైగర్ 3'తో తారక్ బాలీవుడ్ ఎంట్రీ ఇస్తారని రెండు మూడు రోజులుగా జోరుగా ప్రచారం సాగుతోంది. ఈ సినిమాలో ఆయన షారుక్- హృతిక్తో పాటు గెస్ట్ రోల్లో కనిపిస్తారని అంతా అంటున్నారు.
NTR WAR 2 Movie : అయితే ఇది ఇప్పుడు నిజం కాదని తెలిసింది. ఇందులో తారక్-హృతిక్ నటించట్లేదట. షారుక్ మాత్రమే అతిథి పాత్రలో ఓ 20 నిమిషాల పాటు కనిపించనున్నారని తెలిసింది. అలాగే కేజీయఫ్ ఫేమ్ ప్రశాంత్ తాజాగా డైరెక్ట్ చేసిన సినిమా 'సలార్'లోనూ తారక్ కనిపిస్తారని అంటున్నారు. మరో మూడు నెలల్లో ప్రేక్షకుల ముందుకు రానున్న ఈ చిత్ర క్లైమాక్స్లో వచ్చే పోస్ట్ క్రెడిట్ సీన్స్లో హీరో యశ్తో పాటు కలిసి జూనియర్ ఎన్టీఆర్ సర్ప్రైజ్ క్యామియో రోల్ చేస్తారని అంటున్నారు. మరి ఇందులో కూడా నిజమెంతో తెలీదు కానీ ఈ వార్తలను కొట్టి పారేయలేం అని సినీ వర్గాలు అంటున్నాయి.